'పుష్ప'(pushpa allu arjun movie) సినిమా నుంచి అదిరిపోయే అప్డేట్ వచ్చింది. ఈ చిత్రంలోని అనసూయ లుక్ను విడుదల చేసింది చిత్రబృందం. దక్షాయనిగా ఆమె పాత్రను పరిచయం చేస్తూ కొత్త పోస్టర్ను రిలీజ్ చేసింది(anasuya latest movie). ఇందులో ఆమె.. నోట్లో ఆకు నములుతూ, చేతిలో కత్తెర పట్టుకొని దర్శనమిచ్చింది. ముఖ్యంగా ఆమె హెయిర్ స్టైల్ ప్రత్యేకంగా నిలిచింది. ఈ లుక్ సినిమాపై మరింత ఆసక్తిని రేకెత్తిస్తోంది.
అంతకుముందు సుకుమార్ దర్శకత్వంలో రూపొందిన 'రంగస్థలం' సినిమాలో రంగమ్మత్తగా కనిపించి ప్రేక్షకుల్లో తనకంటూ ఓ ప్రత్యేక గుర్తింపు తెచ్చుకుంది అనసూయ. ఈ చిత్రంలోని ఆమె నటనకు విమర్శకుల ప్రశంసలు దక్కాయి. ఈ నేపథ్యంలో 'పుష్ప'లోని దక్షాయని పాత్ర కూడా భిన్నంగా ఉంటుందని అభిమానులు ఆశిస్తున్నారు.
భారీ బడ్జెట్‌ చిత్రంగా తెరకెక్కుతోన్న 'పుష్ప' చిత్రాన్ని మైత్రీ మూవీ మేకర్స్‌ నిర్మిస్తోంది. స్టైలిష్‌ డైరెక్టర్‌ సుకుమార్(sukumar alluarjun movie) ఈ చిత్రానికి దర్శకత్వం వహిస్తున్నారు. ఇందులో బన్నీ పుష్పరాజ్‌ అనే ఎర్రచందనం స్మగ్లర్‌ పాత్రలో కనిపించనున్నారు. ఆయన ప్రేయసి శ్రీవల్లిగా రష్మిక సందడి చేయనున్నారు(alluarjun rashmika movie). ప్రతినాయకుడిగా మలయాళీ నటుడు ఫహద్‌ ఫాజిల్‌ నటిస్తున్నారు. ఎర్రచందనం స్మగ్లింగ్‌ నేపథ్యంలో తెరకెక్కుతోన్న ఈ చిత్రాన్ని రెండు భాగాలుగా విడుదల చేయనున్నారు. 'పుష్ప ది రైజ్‌' పేరుతో మొదటి భాగాన్ని డిసెంబర్‌ 17న ప్రేక్షకుల ముందుకు తీసుకురానున్నారు.
ఇదీ చూడండి: 'పుష్ప' అప్డేట్.. మాస్లుక్లో భయపెడుతున్న సునీల్
