ప్రముఖ నటుడు సూపర్స్టార్ రజనీకాంత్ హీరోగా ఏఆర్ మురదాస్ దర్శకత్వంలో వస్తున్న చిత్రం 'దర్బార్'. తాజాగా ఈ సినిమా ట్రైలర్ విడుదల కార్యక్రమం సందర్భంగా నిర్వహించిన మీడియా సమావేశంలో తన రాజకీయం ప్రస్థానంపై ఆసక్తికర విషయాలు పంచుకున్నాడు రజనీ.
బాలీవుడ్ దిగ్గజం అమితాబ్ బచ్చన్ తనను రాజకీయాల్లోకి వెళ్లొద్దని సూచించినట్లు రజనీ చెప్పాడు.
ఆన్ స్క్రీన్, ఆఫ్ స్క్రీన్ ఏదైనా అమితాబ్ బచ్చనే నాకు ఆదర్శం. రోజూ తన జీవితంలో చేసే మూడు విషయాల గురించి నాకు చెప్పారు. ఒకటి రోజు వ్యాయామం చేయమన్నారు.. రెండోది ఎవరి మాటలు పట్టించుకోకుండా నచ్చిందే చేయమని చెప్పారు. ఇక మూడోది రాజకీయాలలోకి వెళ్లొద్దు అని సూచించారు.
-రజనీ కాంత్, సినీ నటుడు
పైన చెప్పిన రెండూ తాను తప్పకుండా పాటిస్తానని, కానీ మూడో సలహాను కొన్ని కారణాల వల్ల అమలు చేయలేనని రజనీ తెలిపాడు.
దర్బార్ చిత్రంలో రజనీ సరసన నయనతార నటిస్తోంది. సూపర్స్టార్ ఈ సినిమాలో పోలీస్ అధికారిగా నటిస్తున్నాడు. వచ్చే ఏడాది జనవరి 10న ప్రేక్షకుల ముందుకు రానుంది.
- " class="align-text-top noRightClick twitterSection" data="">
