బాలీవుడ్ నటి సన్నీ లియోనీ.. ఈ లాక్డౌన్ సమయంలో అభిమానుల్ని అలరించేందుకు సిద్ధమైంది. 'లాక్డ్ అప్ విత్ సన్నీ' పేరుతో డిజిటల్ లైవ్ చాట్ షోను నేటి(గురువారం) నుంచి ప్రారంభించింది. ప్రతిరోజూ మధ్యాహ్నం ఓ సెలబ్రిటీతో వివిధ విషయాల గురించి చర్చిస్తానని తన ఇన్స్టాలో రాసుకొచ్చింది. 38 ఏళ్ల యూట్యూబర్ అనీషా దీక్షిత్తో తొలిరోజు ముచ్చటించిందీ భామ.
"ఇన్స్టాలో నెటిజన్లు, నా అభిమానుల కోసమే ఈ చాట్ షోను మొదలుపెట్టా. ఇందులో చిన్న చిన్న సంభాషణలు, హాస్యభరిత విషయాలు, అతిథి గురించి చర్చిస్తాం" -సన్నీ లియోనీ, నటి
ఈ చాట్ షోలో వివిధ రంగాలకు చెందిన వ్యక్తులతో చర్చించనుంది సన్నీ. అదే విధంగా, లాక్డౌన్ సమయంలో వారేం చేస్తున్నారో అడిగి తెలుసుకోనుంది.
ప్రస్తుతం భారత్లో లాక్డౌన్ అమల్లో ఉన్న నేపథ్యంలో పలువురు సెలబ్రిటీలు.. యోగా, లైవ్ మ్యూజిక్, వంటలు తదితర విషయాలకు సంబంధించిన వీడియోలను సోషల్ మీడియాలో పోస్ట్ చేస్తున్నారు.
