ప్రముఖ ఓటీటీ 'అమెజాన్ ప్రైమ్ వీడియో'.. మనదేశంలో సినీ నిర్మాణంలోకి అడుగుపెట్టింది. బాలీవుడ్ స్టార్ అక్షయ్ కుమార్ నటిస్తున్న 'రామసేతు'ను అబున్దంతియా ఎంటర్టైన్మెంట్, లైకా ప్రొడక్షన్స్తో కలిసి నిర్మించనుంది. ఈ విషయాన్ని సంస్థ డైరెక్టర్ విజయ్ సుబ్రహ్మణ్యం బుధవారం వెల్లడించారు.
ఈ చిత్ర పూజా కార్యక్రమం, అయోధ్యలో గురువారం(మార్చి 18) జరగనుంది. అనంతరం అక్కడే చిత్రీకరణ కూడా చేయనున్నారు. సినిమాలో అక్షయ్ సరసన జాక్వెలిన్ ఫెర్నాండెజ్, నూస్రత్ బరుచా కీలక పాత్రలు పోషిస్తున్నారు. వచ్చే ఏడాది థియేటర్లలో విడుదల కానున్న ఈ చిత్రం.. ఆ తర్వాత కొన్నిరోజులకు ప్రైమ్ వీడియోలో స్ట్రీమింగ్ అవుతుంది.
"భూత, వర్తమాన, భవిష్యత్ కాలల మధ్య జరిగే కథ 'రామసేతు'. ఇలాంటి అద్భుత కథలో భాగమైనందుకు చాలా సంతోషంగా ఉంది" అని అక్షయ్ చెప్పారు.
ఇది చదవండి: సాయిపల్లవికి ఇంట్లో నుంచే పోటీ మొదలైందా?
