'పుష్ప'(pushpa allu arjun movie) సినిమా విడుదల తేదీ దగ్గర పడే కొద్ది చిత్రానికి సంబంధించిన కొత్త అప్డేట్లను వరుసగా ప్రకటిస్తూ ఫ్యాన్స్లో జోష్ నింపుతోంది చిత్రబృందం. ఈ క్రమంలోనే ఇప్పుడు మరో అదిరిపోయే అప్డేట్ ఇచ్చింది. ఈ చిత్రంలోని నాలుగో పాట 'ఏయ్ బిడ్డ ఇది నా అడ్డ'ను నవంబరు 19న రిలీజ్ చేయనున్నట్లు తెలిపుతూ ఓ కొత్త పోస్టర్ను విడుదల చేసింది. ఇందులోని అల్లు అర్జున్ కొత్త లుక్ అభిమానులను ఆకట్టుకునేలా ఉంది. నుదుటన బొట్టు, ఒంటినిండా బంగారపు చైన్లు, ఉంగరాలతో కళ్లజోడు పెట్టుకుని సరికొత్త అవతారంలో కనిపించారు.
భారీ బడ్జెట్‌ చిత్రంగా తెరకెక్కుతోన్న 'పుష్ప' చిత్రాన్ని మైత్రీ మూవీ మేకర్స్‌ నిర్మిస్తోంది. స్టైలిష్‌ డైరెక్టర్‌ సుకుమార్‌(sukumar alluarjun movie) ఈ చిత్రానికి దర్శకత్వం వహిస్తున్నారు. ఇందులో బన్నీ పుష్పరాజ్‌ అనే ఎర్రచందనం స్మగ్లర్‌ పాత్రలో కనిపించనున్నారు. ఆయన ప్రేయసి శ్రీవల్లిగా రష్మిక సందడి చేయనున్నారు(alluarjun rashmika movie). ప్రతినాయకుడిగా మలయాళీ నటుడు ఫహద్‌ ఫాజిల్‌ నటిస్తున్నారు. ఎర్రచందనం స్మగ్లింగ్‌ నేపథ్యంలో తెరకెక్కుతోన్న ఈ చిత్రాన్ని రెండు భాగాలుగా విడుదల చేయనున్నారు. 'పుష్ప ది రైజ్‌' పేరుతో మొదటి భాగాన్ని డిసెంబర్‌ 17న ప్రేక్షకుల ముందుకు తీసుకురానున్నారు. ఇప్పటికే విడుదలైన ఈ చిత్రంలోని పాటలు, గ్లింప్స్ ఫ్యాన్స్ను విపరీతంగా ఆకట్టుకున్నాయి. సినిమాపై భారీగా అంచనాలు పెంచాయి.
ఇదీ చూడండి: 'పుష్ప' అప్డేట్.. ఊరమాస్ లుక్లో అనసూయ
