Pushpa First Review: 'పుష్ప.. ఈ ఏడాది బెస్ట్ టాలీవుడ్ ఫిల్మ్' - పుష్ప మూవీ ఫస్ట్ రివ్యూ

Pushpa First Review: సుకుమార్ దర్శకత్వంలో అల్లుఅర్జున్ హీరోగా తెరకెక్కిన 'పుష్ప' చిత్రం అద్భుతంగా ఉందని కొనియాడారు సినీవిశ్లేషకుడు ఉమైర్ సంధు. ఈ ఏడాది ఉత్తమ టాలీవుడ్ చిత్రంగా 'పుష్ప' నిలుస్తుందని జోస్యం చెప్పారు.

పుష్ప ఫస్ట్ రివ్యూ

Published : Dec 16, 2021, 10:31 AM IST

అభిమానులు ఎంతో ఆసక్తిగా ఎదురుచూస్తున్న సినిమాల్లో 'పుష్ప' ఒకటి. డిసెంబరు 17న ఈ మూవీ ప్రపంచవ్యాప్తంగా థియేటర్లలో విడుదల కానుంది. తాజాగా.. ఈ చిత్రాన్ని వీక్షించిన యూఏఈ సెన్సార్ బోర్డు సభ్యుడు ఉమైర్ సంధు ఫస్ట్ రివ్యూ ఇచ్చారు. సినిమా అద్భుతంగా ఉందని కొనియాడారు.

ఈ ఏడాదిలో ఉత్తమ టాలీవుడ్ చిత్రంగా నిలుస్తుందని సంధు అభిప్రాయపడ్డారు. బన్నీ నటన అదిరిపోయిందని కితాబిచ్చారు. హీరోయిన్ రష్మిక కూడా బాగా నటించిందని, హీరోహీరోయిన్ల మధ్య కెమిస్ట్రీ సూపర్గా ఉందని అన్నారు. కథ, స్క్రీన్ ప్లే, డైలాగ్స్, సుకుమార్ దర్శకత్వం అద్భుతంగా ఉందని ప్రశంసించారు.

పుష్ప ఫస్ట్ రివ్యూ

పక్కా మాస్ మసాలా ఎంటర్టైనర్గా 'పుష్ప'ను తెరకెక్కించారు. ఇందులో బన్నీ సరసన రష్మిక హీరోయిన్గా చేసింది. ఫహాద్ ఫాజిల్, సునీల్, అనసూయ, ధనంజయ తదితరులు కీలకపాత్రలు పోషించారు. శేషాచలం ఎర్ర చందనం స్మగ్లింగ్ నేపథ్య కథతో ఈ సినిమా తీశారు. ఇప్పటికే విడుదలైన టీజర్, పాటలు, పోస్టర్లు చిత్రంపై అంచనాల్ని తెగ పెంచేస్తున్నాయి. సినిమా కోసం అభిమానులు ఆత్రుతగా ఎదురుచూస్తున్నారు. ఈ సినిమాలో సమంత ప్రత్యేక గీతంతో సందడి చేసింది.