Pushpa collections: 'పుష్ప'.. థియేటర్లలో ఫ్యాన్స్కు పూనకాలు తెప్పిస్తోంది. అల్లు అర్జున్ నటన, డైలాగ్ డెలివరీకి అభిమానులతో పాటు ప్రేక్షకులు ఫిదా అవుతున్నారు. దీంతో ఈ సినిమాకు తొలిరోజు భారీ వసూళ్లు దక్కాయి.
మాస్ మసాలా ఎంటర్టైనర్గా తెరకెక్కిన అల్లు అర్జున్ 'పుష్ప'.. తొలిరోజు ప్రపంచవ్యాప్తంగా రూ.71 కోట్ల గ్రాస్ వసూలు చేసిందని నిర్మాణ సంస్థ మైత్రీ మూవీ మేకర్స్ ట్వీట్ చేసింది. అలానే ఇది '2021లో బిగ్గెస్ ఫస్ట్ డే గ్రాస్' అని పేర్కొంది.
ఒక్క నైజాంలోనే రూ.11.44 కోట్లు షేర్ వసూలు చేసిందీ సినిమా. ఈ క్రమంలో సాహో, బాహుబలి రికార్డులను తిరగరాసింది.
శేషాచలం ఎర్రచందనం స్మగ్లింగ్ కథతో తీసిన ఈ సినిమాలో అల్లు అర్జున్ లారీ డ్రైవర్గా, శాండల్ స్మగ్లర్గా, ఆ తర్వాతి ఆ వ్యవస్థను శాసించే స్థాయికి ఎదగడం తదితర విషయాల్ని ఇందులో చూపించారు.
ఈ చిత్రంలో బన్నీ సరసన రష్మిక హీరోయిన్గా నటించింది. ఫహాద్ ఫాజిల్, సునీల్, అనసూయ తదితరులు కీలకపాత్రలు పోషించారు. దేవిశ్రీ ప్రసాద్ సంగీతమందించారు. సుకుమార్ దర్శకుడు. మైత్రీ మూవీ మేకర్స్ భారీ బడ్జెట్తో ఈ సినిమాను నిర్మించింది. ఇప్పుడు తొలి భాగం రిలీజ్ కాగా, వచ్చే ఏడాది రెండో భాగం 'పుష్ప: ది రూల్'.. ప్రేక్షకుల ముందుకు రానుంది.
ఇవీ చదవండి:
- బన్నీ 'పుష్ప' ఆన్ ఫైర్.. కలెక్షన్స్లో తగ్గేదే లే!
- Pushpa 2 Movie: 'పుష్ప పార్ట్ 2'తో ఏం చెప్పబోతున్నారు?
- Pushpa Review: 'మాస్ సినిమాకు సరికొత్త డెఫినిషన్ 'పుష్ప''
- 'పుష్ప' ఆ ఓటీటీలోనే రిలీజ్..
- pushpa review: రివ్యూ: పుష్ప- ది రైజ్.. బన్నీ-సుక్కు అదరగొట్టారా?
- అల్లు అర్జున్ 'పుష్ప'.. ఎందుకంత స్పెషల్?
- 'పుష్ప' సినిమా.. ఈ విషయాలు గమనించారా?
