వైరల్: బన్నీ మాస్ లుక్ అదిరిందిగా!

స్టైలిష్ స్టార్ అల్లు అర్జున్​ కొత్త లుక్​ నెట్టింట వైరల్​గా మారింది. ప్రస్తుతం సుకుమార్ దర్శకత్వంలో 'పుష్ప' అనే సినిమా చేస్తున్నాడు బన్నీ.

స్టైలిష్ స్టార్.. ఈ పేరుకు తగ్గట్లుగానే ఎపుడూ తన కొత్త లుక్స్​తో అభిమానుల్ని సర్​ప్రైజ్ చేస్తుంటాడు అల్లు అర్జున్. ప్రతి సినిమాకు కొత్త గెటప్​లో కనిపిస్తుంటాడు. ప్రస్తుతం బన్నీ.. సుకుమార్ దర్శకత్వంలో 'పుష్ప' అనే చిత్రం చేస్తున్నాడు. ఇందులో ఈ హీరో ఎర్రచందనం స్మగ్లర్​గా కనిపించబోతున్నాడు. అందుకోసం మాస్​ లుక్​ ట్రై చేస్తున్నాడు. ఈ మధ్యనే ఇతడు ఉంగరాల జట్టుతో ఉన్న ఫొటోలు నెట్టింట చక్కర్లు కొట్టగా​.. తాజాగా మరోసారి బన్నీ స్టైల్​ వైరల్​గా మారింది.

అల్లు అర్జున్

అల్లు అర్జున్

రింగుల జట్టు, మాసిన గడ్డంతో బన్నీ మాస్ లుక్ అదిరిపోయింది. ఈ సందర్భంగా అతడిని చూడటానికి వచ్చిన అభిమానులు ఫొటోలు తీసి సామాజిక మాధ్యమాల్లో షేర్ చేశారు. అవి కాస్తా వైరల్​గా మారాయి.

ఈ సినిమా తర్వాత అల్లు అర్జున్ కొరటాల శివతో కొత్త చిత్రం చేయనున్నాడు. దీనికి సంబంధించిన అధికారిక ప్రకటన ఇటీవలే వచ్చింది.

అల్లు అర్జున్