'పుష్ప' 50 డేస్.. కళ్లు చెదిరే రేంజ్​లో కలెక్షన్లు

Allu arjun pushpa: బన్నీ 'పుష్ప' చిత్రం విజయవంతంగా 50 రోజులు పూర్తి చేసుకుంది. ఈ క్రమంలో ఎంత కలెక్షన్లు సాధించిందనే విషయాన్ని చిత్రబృందం వెల్లడించింది.

Pushpa movie collection: ఐకాన్ స్టార్ అల్లు అర్జున్ 'పుష్ప' సినిమాతో సెన్సేషన్ సృష్టించారు. తొలిసారి పాన్ ఇండియా స్థాయిలో ప్రేక్షకుల్ని పలకరించి, రికార్డు స్థాయిలో కలెక్షన్లు సాధించారు. 50 రోజులు పూర్తి చేసుకున్న ఈ సినిమా.. ప్రపంచవ్యాప్తంగా రూ.365 కోట్ల వసూళ్లు సాధించింది. ఈ విషయాన్ని చెప్పిన నిర్మాణ సంస్థ.. పోస్టర్​ను రిలీజ్ చేసింది.

'పుష్ప' 50 డేస్ పోస్టర్

ఎలాంటి పబ్లిసిటీ లేకుండా హిందీలో రిలీజైన 'పుష్ప' సినిమా.. అక్కడి అభిమానులకు తెగ నచ్చేసింది. ఎంతలా అంటే కొన్నాళ్లకు చిత్రం ఓటీటీలో రిలీజైనా సరే హిందీ ఆడియెన్స్, థియేటర్లకు వెళ్లి మరీ చూస్తున్నారు. ఈ క్రమంలోనే రూ.100 కోట్ల కలెక్షన్లు సాధించింది.

శేషాచలం ఎర్రచందనం నేపథ్య కథతో తీసిన ఈ సినిమాలో బన్నీ.. స్మగ్లర్​గా నటించారు. రష్మిక హీరోయిన్​గా చేసింది. సునీల్, అనసూయ, ఫహాద్ ఫాజిల్ కీలక పాత్రల్లో నటించారు. దేవిశ్రీ ప్రసాద్ సంగీతమందించారు. సుకుమార్ దర్శకత్వం వహించారు. మైత్రీ మూవీ మేకర్స్ నిర్మించింది.

'పుష్ప' రెండో భాగం షూటింగ్ త్వరలో మొదలుకానుంది. ఈ ఏడాది డిసెంబరులో ఈ సినిమాను థియేటర్లలోకి తీసుకురానున్నారు.

• " class="align-text-top noRightClick twitterSection" data="">

ఇవీ చదవండి: