ఇప్పటివరకు బాలీవుడ్లో సినిమా చేయకపోయినా పాన్ ఇండియా రేంజ్లో స్టార్ డమ్ సంపాదించుకున్నాడు స్టైలిష్ స్టార్ అల్లు అర్జున్. తన డ్యాన్స్లు, నటనతో ఎందరో అభిమానుల్ని అలరిస్తున్నాడు. ఇతర ఇండస్ట్రీల్లోనూ బన్నీకి ఫ్యాన్స్ ఉన్నారు. తాజాగా గాయని ఆస్థా గిల్ కూడా అర్జున్కు వీరాభిమానినని అంటోంది. అతడి సినిమాలో పాట పాడటం తన కల అని వెల్లడించింది.
"అల్లు అర్జున్ సినిమాలో ఓ పాట పాడాలని కోరుకుంటున్నా. అప్పుడు బన్నీ నా పాటను హమ్ చేస్తాడు. ఇది నా కల. తెలుగు భాష తెలియకపోయినా పాటల్ని పాటడం మాత్రం ఆస్వాదిస్తా" అని తెలిపింది గిల్.
పాపులర్ సింగర్స్ దిల్జీత్ దోసాంజే, బాద్షాలతో కలిసి చాలా పాటలు పాడింది ఆస్థా గిల్. తనదైన గొంతుతో అభిమానుల్ని సంపాదించుకుంది.
