ఇప్పటికే దేశంతో సంబంధం లేకుండా ఎంతోమంది సెలబ్రిటీల మనసు దోచిన 'బుట్టబొమ్మ' పాటకు, బాలీవుడ్ ప్రముఖ నిర్మాత ఏక్తా కపూర్ తనయుడు ఫిదా అయ్యాడు. ఇప్పుడిప్పుడే నడక నేర్చుకుంటున్న ఆ చిన్నారి.. టీవీలో వస్తున్న గీతానికి అనుగుణంగా, కాలు కదుపుతూ ఆనందం వ్యక్తం చేశాడు. ఆ వీడియోను ఏక్తా తన ఇన్స్టాలో పంచుకున్నారు. తన కుమారుడికి ఇష్టమైన పాట ఇదంటూ రాసుకొచ్చారు.
- " class="align-text-top noRightClick twitterSection" data="View this post on Instagram
Fav song of my fav boy! ) also #gendaphool ! How music has no language!!!
">
దీనిపై స్పందించిన హీరోయిన్ పూజాహెగ్డే.. చిన్నపిల్లలతో పాటు ప్రతిఒక్కరూ ఈ పాటను అభిమానిస్తుంటే తనకు ఎంతో సంతోషంగా ఉందనే వ్యాఖ్య జోడించింది. ఆర్మాన్ మాలిక్, కార్తిక్ ఆర్యన్ సహా పలువురు ఈ వీడియోపై కామెంట్లు పోస్ట్ చేస్తున్నారు.
'డ్రీమ్గర్ల్', 'రాగిని ఎమ్ఎమ్ఎస్', 'డర్టీ పిక్చర్', 'హాఫ్ గర్ల్ఫ్రెండ్', 'గ్రేట్ గ్రాండ్ మస్తీ', 'ఉడ్తా పంజాబ్' వంటి హిట్ సినిమాలు నిర్మించారు ఏక్తా కపూర్. దీనితో పాటే పలు సీరియళ్లకు నిర్మాతగా వ్యవహరిస్తున్నారు.
అల్లు అర్జున్, పూజా హెగ్డే జంటగా వచ్చిన చిత్రం 'అల వైకుంఠపురములో'. త్రివిక్రమ్ దర్శకుడు. ఈ ఏడాది సంక్రాంతి కానుకగా ప్రేక్షకుల ముందుకొచ్చింది. విశేషాదరణ సొంతం చేసుకుని కలెక్షన్లలో నాన్-బాహుబలి రికార్డులను సృష్టించింది.
ఇదీ చూడండి : 'ఆ వెబ్సిరీస్ కోసం 45 రోజులు మేకప్ భరించా'
