Alitho Saradaga Actors Srikanth and Poorna: 'శ్రీ మహాలక్ష్మి' చిత్రంతో తెలుగులోకి ఎంట్రీ ఇచ్చి.. 'అవును', 'సీమ టపాకాయ్‌' వంటి సినిమాలతో ప్రత్యేక గుర్తింపు తెచ్చుకున్నారు మలయాళీ ముద్దుగుమ్మ పూర్ణ. ఇటీవల ఆమె బాలకృష్ణ 'అఖండ'లో పద్మావతి పాత్రలో కనిపించి ప్రేక్షకులను మరోసారి ఆకట్టుకున్నారు. అయితే ఈ అవకాశం తనకు ప్రముఖ ఛానల్ ఈటీవీ వల్ల వచ్చినట్లు తెలిపారు.
"సడన్గా ఓ కాల్ వచ్చింది. నిజంగా చెప్పాలంటే ఈటీవీకి చాలా పెద్ద థ్యాంక్స్ చెప్పాలి. ఈ ఛానల్ ద్వారానే కాల్ వచ్చింది. ఎందుకంటే నా నెంబరు ఎవరికి దొరకట్లేదు. ఎలాగో అలా ఓ కాల్ వచ్చింది. బోయపాటితో గతంలో పదేళ్ల క్రితమే సినిమా చేయాలి. కానీ కుదరలేదు! ఓ మంచి కారెక్టర్ ఉంది. హీరోయిన్గా ఉన్న మీరు ఇది చేస్తారా? అని అడిగారు. 'మీతో బాలకృష్ణతో కలిసి పనిచేయడాన్ని గొప్పగా భావిస్తాను' అని అన్నాను. అప్పడు పద్మావతి రోల్ గురించి చెప్పారు. 'పద్మావతి ఏడిస్తే ప్రేక్షకులకు కన్నీరు రావాలి' అని చెప్పారు. వారిద్దరికి ప్రత్యేకంగా కృతజ్ఞతలు చెప్పాలి. హీరోయిన్గా అన్ని భాషల్లో కలిపి 35 సినిమాలు చేశాను. తొలిసారి 2004లో ఫ్రెండ్ క్యారెక్టర్ చేశాను. స్కేటింగ్ భరత నాట్యంలో నేను గోల్డ్ మెడలిస్ట్. అందుకే సినిమాల్లోకి వచ్చాను. నేను క్లాసికల్ డ్యాన్సర్ కూడా. చిన్నప్పుడు నుంచి డ్యాన్స్ అంటే పిచ్చి. మా అమ్మకు నేను సినిమాల్లో ఉండాలనేది కోరిక. నేను ఓ ముస్లిం అమ్మాయిని. మాకు నిబంధనలు చాలా ఉంటాయి. కానీ నేను బయటకు వచ్చి డ్యాన్స్ నేర్చుకున్నాను. ఆ సమయంలో మా ఊరు నుంచి నేనొక్కదాన్నే ఇలా బయటకి వచ్చి నేర్చుకున్నా. అలా ఓ మలయాళం దర్శకుడి ద్వారా సినిమాల్లో అవకాశం వచ్చింది. ఆ తర్వాత గ్యాప్ ఇచ్చి చదువుకున్నా. మళ్లీ ఆ దర్శకుడే నాకు మరో ఛాన్స్ కూడా ఇచ్చారు. సిస్టర్ రోల్ చేశాను. అనంతరం ఫ్రెండ్స్, సిస్టర్స్ రోల్చ్ చేయడం మానేశాను. అప్పటినుంచి హీరోయిన్గా మాత్రమే చేస్తున్నా" అని పూర్ణ చెప్పారు.
ఇక 'అఖండ' సినిమాలో వరదరాజులుగా శ్రీకాంత్ తన నటనతో అందర్నీ భయపెట్టేశారు. ఈయన కూడా పూర్ణతో కలిసి ఆలీతో సరదాగాలో సందడి చేశారు. తనకు ఈ అవకాశం ఎలా వచ్చిందో వివరించారు. "బాలకృష్ణ సినిమాలో విలన్ అనగానే షాక్ అయ్యా. ప్రేక్షకులు ఎలా స్వీకరిస్తారో అని భయపడ్డా. ఒక్కో సందర్భంలో ఈ క్యారెక్టర్ మనకు సెట్ అవ్వకపోతే విమర్శలు వస్తాయి, తప్పుకుందాం అని కూడా అనుకున్నా. కానీ ఆ తర్వాత గెటప్ సెట్ అయ్యాక నాపై నాకు కాన్ఫిడెన్స్ వచ్చింది" అని అన్నారు.
- " class="align-text-top noRightClick twitterSection" data="">
కలెక్షన్లతో దూసుకుపోతున్న 'అఖండ'
'సింహ', 'లెజెండ్' తర్వాత బోయపాటి-బాలయ్య కాంబోలో వచ్చిన హ్యాట్రిక్ సినిమా 'అఖండ'. ఈ చిత్రం విడుదలై రెండు వారాలు అవతున్న ఇంకా థియేటర్లు ఫుల్ అవుతున్నాయి. కలెక్షన్ల పరంగా బాక్సాఫీస్ వద్ద రికార్డులను సృష్టిస్తోంది. విదేశాల్లోనూ సత్తా చాటుతోంది. ఇక ఈ మూవీలో బాలయ్య సరసన ప్రగ్యా జైస్వాల్ హీరోయిన్గా నటించారు. శ్రీకాంత్, పూర్ణ కీలకపాత్రల్లో కనిపించారు. తమన్ సంగీతమందించగా, మిర్యాల రవీందర్ రెడ్డి నిర్మించారు.
ఇదీ చూడండి: బాక్సాఫీస్పై బాలయ్య సింహగర్జన.. 'అఖండ' @రూ.100కోట్లు!
