హిందీ చిత్రసీమ అగ్ర కథానాయికల్లో అలియా భట్(Alia Bhatt) ఒకరు. 'స్టూడెంట్ ఆఫ్ ది ఇయర్' చిత్రంతో బాలీవుడ్లో అడుగుపెట్టి 'హైవే', 'ఉడ్తా పంజాబ్', 'గల్లీ బాయ్', 'రాజీ' ఇలా మంచి విజయాలను తన ఖాతాలో వేసుకొంది. మరోవైపు చిత్ర నిర్మాణ రంగంలోనూ అడుగుపెట్టి రెడ్ చిల్లీస్ ఎంటర్టైన్మెంట్స్తో కలిసి 'డార్లింగ్స్'(Darlings) చిత్రాన్ని నిర్మిస్తోంది. చేతినిండా ఇన్ని సినిమాలతో బిజీగా ఉన్న ఈ నాయిక మనసు ఇప్పుడు హాలీవుడ్పై పడినట్టు తెలుస్తోంది.
ప్రముఖ హాలీవుడ్ ఏజెన్సీ విలియమ్ మోరిస్ ఎండీవర్ (డబ్ల్యూఎమ్ఈ) అలియాతో ఒప్పందం కుదుర్చుకున్నట్లు తెలుస్తోంది. బెన్ అఫ్లెక్, జెస్సికా ఆల్బా, క్రిస్టియన్బాలే, మ్యాట్ డామన్, జెన్నీఫర్ గ్రార్నెర్, ఫ్రిదా పింటో లాంటి నటులందరూ ఈ సంస్థ నుంచి వచ్చినవారే కావడం విశేషం. మరి ఏ సినిమా ద్వారా అలియాభట్ హాలీవుడ్లోకి అడుగుపెడుతుందో చూడాలి. ప్రస్తుతం ఆమె రాజమౌళి 'ఆర్ఆర్ఆర్'తో(RRR movie) పాటు 'బ్రహ్మాస్త్ర'(Brahmāstra), 'రాఖీ ఔర్ రాణీ కీ ప్రేమ్ కహానీ' చిత్రాల్లో నటిస్తోంది.
ఇదీ చూడండి: యూత్ హార్ట్బీట్ పెంచేస్తోందీ భామ
