'ఆర్ఆర్ఆర్'లో ఆలియా భట్​ పాత్ర 15 నిమిషాలేనా?

సంక్రాంతి కానుకగా రిలీజయ్యే 'ఆర్ఆర్ఆర్'లో నటీనటుల పాత్ర నిడివి గురించి సోషల్ మీడియాలో తెగ మాట్లాడుకుంటున్నారు. అందులో భాగంగానే ఆలియా రోల్​ కేవలం 15 నిమిషాలే ఉంటుందని అంటున్నారు! మరి ఇందులో నిజమెంత?

'ఆర్ఆర్ఆర్' గురించే ప్రస్తుతం ఎక్కడచూసినా చర్చ! సంక్రాంతికి రిలీజ్​ కానున్న ఈ సినిమా ప్రమోషన్స్​ ఫుల్ స్పీడ్​గా సాగుతున్నాయి. ఇందులో భాగంగానే 'జనని' సాంగ్​ను శుక్రవారం రిలీజ్ చేశారు. సినిమాలోని పాత్రలన్నీ ఈ గీతంలో దాదాపుగా చూపించేశారు. అయితే హీరోయిన్ ఆలియా భట్​కు సంబంధించిన ఓ విషయం తెగ ఆసక్తి కలిగిస్తోంది.

• " class="align-text-top noRightClick twitterSection" data="">

టీజర్​, 'జనని' పాటలో ఒక్కో షాట్​లో మాత్రమే ఆలియా కనిపించింది. దీంతో సినిమా మొత్తంలో ఆమె పాత్ర చాలా తక్కువ వ్యవధే ఉంటుందని మాట్లాడుకుంటున్నారు. అది కూడా దాదాపు 15 నిమిషాలే అని ప్రచారం సాగుతోంది. మరి ఇందులో నిజమెంతనేది తెలియాల్సి ఉంది.

'ఆర్ఆర్ఆర్' ట్రైలర్ డిసెంబరు తొలి వారంలో రిలీజ్ చేస్తామని.. ఈ నెల మొత్తం ప్రచారంలో భాగంగా ప్రీ రిలీజ్​ ఈవెంట్​లో భారీస్థాయిలో జరుగుతాయమని దర్శకుడు రాజమౌళి ఇటీవల ప్రెస్​మీట్​లో చెప్పారు. దీంతో అంచనాలు తెగ పెరిగిపోతున్నాయి.

ఆర్ఆర్ఆర్ రిలీజ్ డేట్ పోస్టర్

'ఆర్ఆర్ఆర్' సెన్సార్ ఇప్పటికే పూర్తయినట్లు తెలుస్తోంది. దాదాపు 3 గంటల 6 నిమిషాల నిడివితో సినిమాను థియేటర్లలో ప్రదర్శిస్తారని సమాచారం.

నిజ జీవిత పాత్రలు, కల్పిత కథతో తీస్తున్న ఈ సినిమాలో రామ్​చరణ్ అల్లూరి సీతారామరాజుగా, ఎన్టీఆర్ కొమరం భీమ్​గా కనిపిస్తారు. ఆలియా భట్, ఒలీవియా మోరిస్ హీరోయిన్లు. అజయ్ దేవ్​గణ్, సముద్రఖని, శ్రియ తదితరులు కీలకపాత్రలు పోషించారు. కీరవాణి సంగీతమందించగా, ఎస్.ఎస్.రాజమౌళి దర్శకత్వం వహించారు. డీవీవీ దానయ్య రూ.450 కోట్ల బడ్జెట్​తో సినిమా నిర్మించారు. తెలుగు, తమిళం, కన్నడ, మలయాళం, హిందీతో పాటు కొరియన్, పోర్చుగీస్, టర్కీస్, స్పానిస్​ భాషల్లో ఈ సినిమా రిలీజ్ కానుంది.

• " class="align-text-top noRightClick twitterSection" data="">

ఇవీ చదవండి: