బాలీవుడ్లో ప్రస్తుతం బిజీ హీరో ఎవరంటే టక్కున గుర్తొచ్చే పేరు అక్షయ్ కుమార్. యమస్పీడులో సినిమాలు చేస్తూ ప్రేక్షకులనే కాకుండా తోటి హీరోలనూ ఆశ్చర్యపరుస్తుంటాడు. ప్రస్తుతం 'సూర్యవంశీ'తో బిజీగా ఉన్న ఈ నటుడు.. తన కొత్త చిత్రాన్ని ప్రకటించాడు. కన్నడ హిట్ 'బెల్ బాటమ్'ను అదే పేరుతో హిందీలో రీమేక్ చేస్తున్నాడు. ఆదివారం ఫస్ట్లుక్ను విడుదల చేశారు. రెట్రో స్టైల్లో ఉన్న ఫొటో ఆకట్టుకుంటోంది.
80ల్లో జరిగిన ఓ నిజజీవిత కథ ఆధారంగా ఈ సినిమా రూపొందిస్తున్నారు. రంజిత్.ఎమ్.తివారీ దర్శకత్వం వహిస్తున్నాడు. వచ్చే ఏడాది మధ్యలో షూటింగ్ ప్రారంభం కానుంది. 2021 జనవరి 22న ప్రేక్షకుల ముందుకు రానుంది.
