దీపావళిని పురస్కరించుకుని బాలీవుడ్ హీరో అక్షయ్ కుమార్ అభిమానులకు సర్ప్రైజ్ ఇచ్చారు. తన కొత్త సినిమా టైటిల్ 'రామ్సేతు' అని ప్రకటించడం సహా పోస్టర్లను విడుదల చేశారు. మెడలో ఎర్రకండువాతో, భుజానికి బ్యాగ్తో సరికొత్తగా కనిపించారు అక్కీ. బ్యాక్గ్రౌండ్లో శ్రీరాముడి ఫొటో కూడా ఉంది. ఈ పోస్టర్లో కల్పితమా? నిజమా? అనే ట్యాగ్లైన్ను జోడించారు.
"ఈ దీపావళి, రాబోయే తరాలను కలిపే ఒక సేతువును నిర్మించి, భారతీయులందరిలోనూ రాముడి ఆదర్శాలను సజీవంగా ఉంచడానికి ప్రయత్నిద్దాం. ఈ మహాకార్యాన్ని ముందుకు తీసుకు వెళ్లేందుకే.. మా ఈ ప్రయత్నం. అందరికీ దీపావళి శుభాకాంక్షలు"
--అక్షయ్ కుమార్, హీరో
ఈ సినిమాకు అభిషేక్ శర్మ దర్శకత్వం వహిస్తున్నారు. అరుణ్ భాటియా నిర్మిస్తున్నారు. అక్షయ్ నటించిన హారర్ కామెడీ 'లక్ష్మి' సినిమా.. ఇటీవలే ఓటీటీ వేదికగా ప్రేక్షకుల ముందుకొచ్చింది.
ఇదీ చూడండి:నా సినిమాలు వాళ్లకు నచ్చవు: అక్షయ్ కుమార్
