అక్షయ్కుమార్ అభిమానులతో గొడవలు పడొద్దని అజయ్ దేవగణ్ తన అభిమానులకు సూచించాడు. ఈ హీరోలిద్దరూ నటించిన 'సూర్యవంశీ' సినిమా త్వరలోనే ప్రేక్షకుల ముందుకు రానున్న నేపథ్యంలో ముందస్తు విజ్ఞప్తి చేశాడు. సోమవారం ముంబయిలో జరిగిన ఈ సినిమా ప్రచారచిత్రం విడుదల కార్యక్రమంలో అభిమానులను ఉద్దేశించి మాట్లాడాడు అజయ్.
"మేమిద్దరం బాగానే ఉన్నాం. కాబట్టి ఫ్యాన్స్ గొడవలు పడొద్దు. ఈ విషయాన్ని ఈ సందర్భంగా చెప్తున్నా. అక్షయ్, నేను కలిసి ఈ సినిమాకు చాలా కష్టపడ్డాం. తెరపై ఆ అనుభూతి మీరూ పొందుతారు. మా ఇద్దరి అభిమానులు కలిసి వెళ్లి సినిమాను ఆస్వాదించండి.
- అజయ్ దేవగణ్, కథానాయకుడు
అక్షయ్, అజయ్ కలిసి నటించిన 'ఫూల్ ఔర్ కాంటే' రోజులను గుర్తు చేసుకున్నారు వీరిద్దరు. ఈ సినిమాతో అజయ్ హీరోగా, అక్షయ్ కుమార్ కామిక్రోల్లో వెండితెరకు పరిచయమయ్యారు.
ఇప్పటికే అజయ్ దేవగణ్తో 'సింగం', రణ్వీర్ కపూర్తో 'సింబా' చిత్రాలు తెరకెక్కించి ప్రేక్షకులను విశేషంగా ఆకట్టుకున్నాడు రోహిత్శెట్టి. ఈ సూపర్కాప్ సిరీస్లో తెరకెక్కించిన మూడో సినిమా 'సూర్యవంశీ'. అక్షయ్ సరసన కత్రినాకైఫ్ హీరోయిన్గా నటిస్తోంది. ఈ మూవీలో అజయ్ దేవగణ్, రణ్వీర్ కపూర్లు.. వారు పోషించిన సూపర్కాప్ పాత్రల్లోనే తెరపై కనువిందు చేయనున్నారు. మార్చి 24న ప్రపంచవ్యాప్తంగా విడుదలకానుందీ చిత్రం.
ఇదీ చూడండి.. పవర్ స్టారూ.. ట్రెండింగ్లో హుషారు
