మెగా మేనల్లుడు సాయిధరమ్ తేజ్ కొత్త చిత్రంలో ఐశ్వర్యా రాజేష్ను కథానాయికగా తీసుకున్నారు. తొలుత ఈ సినిమాలో నివేదా పేతురాజ్ని ఎంపిక చేసినా ఆమె ఇతర చిత్రాలతో బిజీగా ఉండటం వల్ల ఈ మూవీ నుంచి తప్పుకున్నట్లు సమాచారం.. ప్రస్తుతం హైదరాబాద్‌ శివార్లలో షూటింగ్‌ జరుపుకొంటోందీ సినిమా.
ముఖ్యమంత్రిగా రమ్యకృష్ణ ?
దేవకట్టా దర్శకత్వంలో వస్తున్న ఈ చిత్రానికి 'రిపబ్లిక్' అనే పేరును ఖరారు చేసినట్లు సినీవర్గాలు చెప్పుకొంటున్నాయి. 2004లో ఏలూరులో జరిగిన వాస్తవ సంఘటనల ఆధారంగా, రాజకీయ నేపథ్యంలో ఆసక్తికర కథనంతో రాబోతుందని సమాచారం. ఈ చిత్రంలో రమ్యకృష్ణ ముఖ్యమంత్రి పాత్రలో కనిపించనుందట. ఇక హీరో తేజ్ వైద్యుడి పాత్ర పోషిస్తున్నాడని తెలుస్తోంది.
