హీరోయిన్ ఐశ్వర్యా రాజేశ్ గురించి వస్తోన్న వార్తలు నమ్మొద్దని ఆమె టీమ్‌ తెలిపింది. ప్రముఖ అథ్లెట్‌ బయోపిక్లో ఐశ్వర్య నటించనున్నారనే వార్తలు కేవలం పుకార్లు మాత్రమేనని వివరించింది.
తమిళనాడుకు చెందిన ప్రముఖ మహిళా అథ్లెట్‌ శాంతి సౌందరరాజన్‌ జీవితాన్ని ఆధారంగా చేసుకుని కోలీవుడ్‌లో ఓ సినిమా తెరకెక్కనున్నట్లు గత కొన్నిరోజులుగా వార్తలు వస్తున్నాయి. ఆసియా క్రీడల్లో పతకాన్ని గెలిచిన తొలి తమిళ మహిళగా పేరు తెచ్చుకున్న ఆమె జీవిత చరిత్రపై తీసుస్తున్న సినిమాలో ఐశ్వర్యా రాజేశ్ టైటిల్ రోల్ పోషించనున్నారంటూ ఇటీవల ప్రచారం జరిగింది.
ఈ వార్తలపై ఆమె బృందం ఇటీవల స్పందించింది. శాంతి సౌందరరాజన్‌ బయోపిక్లో ఐశ్వర్య నటించడం లేదని.. ఆన్‌లైన్‌లో జరుగుతున్న ప్రచారంలో ఎలాంటి నిజం లేదని, కాబట్టి ఆ పోస్టులను ఎవరూ నమ్మొద్దని పేర్కొంది.
'వరల్డ్‌ ఫేమస్‌ లవర్‌' తర్వాత ఐశ్వర్యా రాజేశ్ వరుస ప్రాజెక్ట్‌లు ఒప్పుకున్నారు. 'భూమిక', 'రిపబ్లిక్', 'టక్‌ జగదీశ్', 'అయ్యప్పనుమ్‌ కోషియం' రీమేక్‌ చిత్రాల్లో ఆమె భాగమయ్యారు.
