బాలీవుడ్ నటి ఐశ్వర్యారాయ్, నటుడు అభిషేక్ బచ్చన్.. తమ కుమార్తె ఆరాధ్యతో కలిసి హైదరాబాద్లో అడుగుపెట్టారు. కరోనా నేపథ్యంలో విధించిన లాక్ డౌన్ సమయం నుంచి ఐష్ బయటకు రాలేదు. దాదాపు పది నెలల తర్వాత ఈమె కుటుంబంతో సహా బయటకు రావడం అభిమానులకు ఆసక్తికరంగా మారింది.
- " class="align-text-top noRightClick twitterSection" data="
">
ఐష్ హైదరాబాద్ రాకకు కారణం ఏమిటో ఇంకా తెలియలేదు. కానీ, మణిరత్నం తమిళ సినిమా 'పొన్నియిన్ సెల్వన్' షూటింగ్ నేపథ్యంలో బాలీవుడ్ అందాల భామ ఇక్కడికి వచ్చిందని అభిమానులు భావిస్తున్నారు. 'పొన్నియిన్ సెల్వన్' సినిమాలో ఐష్ డబుల్ రోల్ చేయనున్నట్లు సమాచారం. కల్కి కృష్ణమూర్తి నవల ఆధారంగా ఈ సినిమా చిత్రీకరిస్తున్నారు.
కరోనా పాజిటివ్ వచ్చిన తర్వాత అమితాబ్ బచ్చన్ సహా అభిషేక్ కుటుంబ సభ్యులు ముంబయిలోని నానావతి ఆసుపత్రిలో చేరారు. మొదటగా ఐశ్వర్య, ఆరాధ్యలు కరోనాను జయించారు.
ఇదీ చదవండి:హాట్ లుక్స్తో హీటెక్కిస్తోన్న మాళవిక!
