ఇంట్లో ఎక్కువ సమయం గడిపింది తన జీవితంలోనే ఇది తొలిసారి అంటోంది రష్మిక. చిత్రీకరణలతో బిజీ బిజీగా గడిపే ఈమె, ప్రస్తుతం ఇంట్లో కుటుంబంతో కాలక్షేపం చేస్తోంది. అందం, అల్లరి, సంప్రదాయం... ఇలా అన్నీ కలబోసినట్టు కనిపించే రష్మిక ఈ ఏడాది ఆరంభంలోనే 'సరిలేరు నీకెవ్వరు'తో విజయాన్ని సొంతం చేసుకుంది. అవకాశాల పరంగా జోరు మీదున్న ఈ హీరోయిన్ ఎప్పుడెప్పుడు సెట్‌కి వచ్చేద్దామా అని ఎదురు చూస్తోందట. శనివారం అభిమానులతో ట్విట్టర్‌లో పలు ముచ్చట్లు చెప్పింది.
'సూపర్ ఉమన్'గా మారా..
ఆధునిక దుస్తులతో పోలిస్తే అందం, సౌకర్యం అంతా చీరలోనే ఉందని చెప్పింది రష్మిక. ఇంట్లో పడుకున్న అమ్మానాన్నల్ని లేపడం ఇష్టం లేక, ఇంటి టెర్రస్‌ని ఎక్కేందుకు 'సూపర్ ఉమన్' అవతారం ఎత్తానని చిన్ననాటి జ్ఞాపకాల్ని పంచుకుంది. "నా జీవితానికి సంబంధించిన ప్రతి విషయంలోనూ అంచనాలు పెద్దఎత్తున ఉంటాయి. ప్రస్తుతం నా అడుగులు సరైన దిశలో పడుతున్నాయి. నేను అనుకున్న చోటుకి చేరతానని నాకు తెలుసు" అని చెప్పింది రష్మిక.
ఇదీ చూడండి.. సినిమాకు సవాల్: బార్ థియేటర్లు రాబోతున్నాయా?
