చిత్రసీమలో ఇప్పటికీ హీరోలదే హవా! ఎక్కువగా వారి పాత్రలకే పెద్దపీట వేస్తుంటారు దర్శకనిర్మాతలు. హీరోయిన్లకు అన్ని సందర్భాల్లో ఇలాంటి ప్రాధాన్యం లభించకపోవచ్చు. ఈ విషయమై స్పందించమని కథానాయిక కియారా అడ్వాణీని అడగ్గా ఇలా సమాధానమిచ్చింది.
"ఈరోజుల్లో పురుషాధిక్యత గురించి మాట్లాడటానికి నాకే కాస్త ఇబ్బందిగా ఉంటుంది. ఇప్పుడు ఆడ, మగ అనే తేడా లేదు. ప్రతి రంగంలోనూ సమాన అవకాశాలు దొరుకుతున్నాయి. లేని చోట పోరాడి సాధించుకుంటున్నారు. అయితే ఈ పోరాట స్ఫూర్తి ఇంటి దగ్గర నుంచి మొదలవ్వాలి. ఇంట్లో భార్య, భర్త ఇద్దరూ తమ బాధ్యతల్ని సమానంగా పంచుకోవాలి" అని చెప్పింది ముద్దుగుమ్మ కియారా.
