మెగాస్టార్ చిరంజీవిని ఆయన నివాసంలో కలుసుకున్నారు 'లైఫ్ ఈజ్ బ్యూటీఫుల్' నటుడు సుధాకర్ కొమ్మాకుల దంపతులు. చిరు పుట్టినరోజు సందర్భంగా సుధాకర్, అతని భార్య హారిక చేసిన ట్రిబ్యూట్ వీడియోకు వారిని అభినందించారు మెగాస్టార్. భవిష్యత్తు కోసం వారికి శుభాకాంక్షలు తెలిపారు.
ఆగస్టు 22న చిరంజీవి బర్త్డే సందర్భంగా 'ఛాలెంజ్' సినిమాలోని 'ఇందువదన' పాటకు డ్యాన్స్ చేశారు సుధాకర్ దంపతులు. దానిని అభినందిస్తూ ఆ సమయంలో అమెరికాలో ఉన్న వారికి ఆడియో సందేశం పంపారు చిరు. హైదరాబాద్లో ఉంటే తన ప్రేమను మరోలా తెలియజేసేవాన్నని చెప్పారు. ఈ క్రమంలో చిరును ఆయన నివాసంలో కలిశారు సుధాకర్, హారిక.
ఇదీ చూడండి: సుధాకర్ దంపతుల డ్యాన్స్.. మెగాస్టార్ ఫుల్ ఫిదా!
