పండగ వేళ నటుడు రాజశేఖర్​ ఇంట్లో విషాదం

దీపావళి రోజు సీనియర్ నటుడు రాజశేఖర్​ ఇంట్లో విషాదం. ఆయన తండ్రి అనారోగ్యంతో తుదిశ్వాస విడిచారు.

దీపావళి పండగ వేళ సినీ నటుడు రాజశేఖర్‌ ఇంట విషాదం చోటుచేసుకుంది. ఆయన తండ్రి వరదరాజన్‌ గోపాల్‌ (93) మరణించారు. గతకొంతకాలగా అనారోగ్యంతో చికిత్స పొందుతూ, గురువారం హైదరాబాద్‌లోని ఓ ప్రైవేటు ఆస్పత్రిలో తుదిశ్వాస విడిచారు.

వరదరాజన్‌ చెన్నై డీసీపీగా చేసి రిటైర్‌ అయ్యారు. ఆయనకు ముగ్గురు కుమారులు, ఇద్దరు కుమార్తెలున్నారు. రాజశేఖర్‌ ఆయనకు రెండో సంతానం. వరదరాజన్‌ భౌతికకాయాన్ని శుక్రవారం, చెన్నై తీసుకెళ్లనున్నట్టు కుటుంబ సభ్యులు తెలిపారు.

వరదరాజన్ గోపాల్