అభిమానులంతా టాలీవుడ్ పెద్ద సినిమాల అప్‌డేట్‌లు ఎప్పుడెప్పుడు వస్తాయా అని ఆసక్తిగా ఎదురు చూస్తున్నారు. ఈ క్రమంలోనే దర్శకధీరుడు రాజమౌళి ప్రతిష్ఠాత్మక చిత్రం 'ఆర్ఆర్ఆర్' గురించి ఒక విషయం బయటికి వచ్చింది.
ఈ సినిమాలో నటిస్తున్న ఐరిష్‌(ఐర్లాండ్‌) నటి అలిసన్‌ డూడీ ఇన్స్టాలో ఓ పోస్టు చేసింది. అందులో 'ఆర్ఆర్ఆర్'.. ఈ ఏడాది అక్టోబర్‌ 8న విడుదల కానుందంటూ ప్రకటించింది. ఆ పోస్టు వైరల్‌ కాకముందే వెంటనే తొలగించింది. ఆమె అనుకోకుండా చేసిన ఆ పోస్టులో నిజమెంత? అనేది తెలియాలంటే అధికారికంగా ప్రకటించే వరకూ ఆగాల్సిందే.
సీతారామరాజుగా రామ్‌చరణ్‌, కొమురం భీమ్‌గా జూ.ఎన్టీఆర్‌ ప్రధాన పాత్రల్లో నటిస్తున్నారు. ఆలియా భట్, ఒలీవియా మోరిస్ హీరోయిన్లు. అజయ్‌దేవగణ్‌, రే స్టీవెన్‌సన్‌, సముద్రఖని కీలక పాత్రలు పోషిస్తున్నారు. డీవీవీ దానయ్య నిర్మిస్తున్నారు. కీరవాణి సంగీతం సమకూర్చారు. ప్రస్తుతం ఈ సినిమా క్లైమాక్స్ షూటింగ్ జరుగుతోంది.
ఇది చదవండి: 'ఆర్ఆర్ఆర్' నుంచి క్రేజీ అప్డేట్.. ఫొటో ట్వీట్
