మెగాస్టార్ చిరంజీవి ప్రస్తుతం 'ఆచార్య' సినిమాలో నటిస్తున్నాడు. కొరటాల శివ దర్శకుడు. షూటింగ్ శరవేగంగా సాగుతోంది. ముద్దుగుమ్మ రెజీనా ఇందులో ప్రత్యేక గీతంలో కనిపించి, అలరించనుంది. అయితే చిరుతో పనిచేయడం తనకు చాలా ఆనందంగా ఉందని చెబుతోంది. ఈ విషయమై ఇటీవలే ఓ ఇంటర్వ్యూలో మాట్లాడుతూ వివరణ ఇచ్చింది.
"ఈ ప్రత్యేక గీతం నా కెరీర్లో మొదటిది, చివరిది. నటిగా విభిన్నంగా కనిపించాలనుకుంటున్నా. అందులో భాగంగానే ఇది ఒప్పుకున్నా. మరో విషయం ఏంటంటే ఇది ఐటెమ్ సాంగ్ కాదు సెలబ్రేషన్ సాంగ్" -రెజీనా, నటి
ఈ సినిమాలో త్రిష హీరోయిన్గా నటిస్తోంది. మణిశర్మ సంగీతమందిస్తున్నాడు. మ్యాట్నీ ఎంటర్టైన్మెంట్స్, కొణిదెల ప్రొడక్షన్స్ సంయుక్తంగా నిర్మిస్తున్నాయి. 'ఆచార్య' దసరాకు ప్రేక్షకుల ముందుకు వచ్చే అవకాశముంది.
