చిరు లేకుండానే 'ఆచార్య' షూటింగ్ షురూ!​

మెగాస్టార్​ చిరంజీవి - దర్శకుడు కొరటాల శివ కాంబినేషన్​లో తెరకెక్కుతోన్న చిత్రం 'ఆచార్య'. చిరంజీవికి ఇటీవలే కరోనా సోకడం వల్ల చిత్రీకరణ ఆగిపోయిందనే వార్తలు వచ్చాయి. అయితే మిగిలిన నటీనటులతో చిత్రీకరణను దర్శకుడు పునఃప్రారంభించారు.

మెగాస్టార్​ చిరంజీవి - కొరటాల శివ దర్శకత్వంలో రూపొందుతున్న చిత్రం 'ఆచార్య'. కొణిదెల ప్రొడక్షన్స్, మ్యాట్నీ ఎంటర్​టైన్​మెంట్స్ సంయుక్తంగా నిర్మిస్తున్న ఈ సినిమా చిత్రీకరణ పునఃప్రారంభమైంది. వాస్తవానికి ఈ నెల 9న పునఃప్రారంభించాల్సిన చిత్రం చిరంజీవికి కరోనా పాజిటివ్ రావడం వల్ల నిలిచిపోయింది.

ఈ క్రమంలో కొంత ఆందోళనకు గురైన చిత్ర బృందం.. ముందస్తుగా అనుకున్న సమయానికే మళ్లీ 'ఆచార్య' సెట్​లోకి అడుగుపెట్టింది. ఇక నుంచి ఏకధాటిగా సినిమా పూర్తయ్యేంత వరకు చిత్రీకరణ జరపనున్నట్లు దర్శకుడు కొరటాల శివ తెలిపారు. అయితే కరోనా కారణంగా చిత్రీకరణకు చిరంజీవి దూరంగా ఉండటం వల్ల కొవిడ్ నిబంధనలు పాటిస్తూ మిగతా నటీనటులకు సంబంధించిన సన్నివేశాలను చిత్రీకరిస్తున్నారు.