చిత్రసీమలో అందం, ప్రతిభ ఉంటేనే సరిపోదు అదృష్టం కూడా కలిసి రావాలి అంటుంటారు. అందుకే చాలా మంది సెలబ్రిటీలు తమ పేరులో మార్పులు లేదా ఏకంగా పేరునే మార్చుకోవడం చేస్తుంటారు. తాజాగా ఈ జాబితాలోకి బాలీవుడ్ దిగ్గజ నటుడు అమితాబ్ బచ్చన్ తనయుడు అభిషేక్ బచ్చన్ చేరారని తెలిసింది. తన పేరును 'అభిషేక్ ఏ బచ్చన్'గా మార్చుకున్నట్లు సమాచారం.
అభిషేక్ బచ్చన్ కెరీర్ కొన్నాళ్ల నుంచి ఒడుదొడుకులతో సాగుతోంది. ఈ నేపథ్యంలో ప్రముఖ న్యూమరాలజిస్ట్ సంజయ్ బీ జుమానీ సూచన మేరకు అభిషేక్ తన పేరును మార్చుకున్నారట. అయితే దీనిపై ఆయన నుంచి ఎటువంటి అధికారిక ప్రకటన రాలేదు. ప్రస్తుతం అభిషేక్.. దాస్వీ దర్శకత్వంలో ఓ కొత్త సినిమా చేస్తున్నారు. ఈ సినిమా టైటిల్ కార్డుపై ఈ కొత్త పేరును ప్రచురించే అవకాశముంది.
ఇదీ చూడండి: అవకాశం కోసం పోరాటం నుంచి స్టార్డమ్ వరకు
