Priyanka Chopra Abhishek Bachan: గ్లోబల్ స్టార్ ప్రియాంక చోప్రా.. స్టార్ హీరో అభిషేక్ బచ్చన్ ఫోన్ను దొంగిలించింది. ఆ తర్వాత దాని నుంచి వేరే హీరోయిన్కు 'ఐ మిస్ యూ' అంటూ మెసేజ్ పెట్టింది. ఈ ఆసక్తికర విషయాన్ని స్వయంగా ప్రియాంక చోప్రానే వెల్లడించింది. ఇందుకు సంబంధించిన పాత వీడియోను సీనియర్ నటి సిమి గెర్వాల్ షేర్ చేసింది.
ఇంతకీ ఏం జరిగింది?
నటి సిమి.. గతంలో 'రెజెన్డెజ్వస్ విత్ సిమి గెర్వాల్' అనే టాక్ షోకు హోస్ట్గా వ్యవహరించింది. ఐదు సీజన్ల పాటు సాగిన ఈ కార్యక్రమానికి చాలామంది బాలీవుడ్ సెలబ్రిటీలు హాజరై, తమ కెరీర్లో జరిగిన ఆసక్తికర విషయాల్ని వెల్లడించారు. అలా ఓసారి ఆ కార్యక్రమానికి వచ్చిన ప్రియాంక చోప్రా కూడా సినిమా షూటింగ్లో అభిషేక్తో జరిగిన్న ఫన్నీ సంఘటన గురించి చెప్పింది.
అభిషేక్ ఫోన్ నువ్వు దొంగిలించావా? అని సిమి, ప్రియాంకను అడగ్గా.. 'తనే నా ఫోన్ ముందు దొంగిలించాడు. దానిపై కూర్చుని ఉండిపోయాడు. అయితే దానిపై ఎక్కువసేపు ఉండలేదు కదా. అందుకే లేచి అక్కడ నుంచి వెళ్లిపోయాడు' అని ప్రియాంక చెప్పింది.
'ఆ తర్వాత అభిషేక్ ఫోన్ దొంగిలించి నేను ఓ చోట దాచేశాను. ఓ హీరోయిన్కు 'ఐ మిస్ యూ. ఎక్కడున్నావ్? నేను నీతో..' అంటూ మెసేజ్ పెట్టాను.' అంటూ సిమికి చెబుతూనే ప్రియాంక పగలబడి నవ్వింది. వీడియోలో ఇది స్పష్టంగా కనిపించింది.
ఆ హీరోయిన్ రాణి ముఖర్జీ అంటూ సిమి అసలు విషయం చెప్పింది. ఆ తర్వాత రాణి నుంచి అభిషేక్కు వచ్చిన మెసేజ్ను రాణిలా మిమిక్రీ చేస్తూ ప్రియాంక చెప్పింది.
అభిషేక్-ప్రియాంక కలిసి.. 'ద్రోణ', 'బ్లఫ్ మాస్టర్', 'దోస్తానా' సినిమాల్లో కలిసి నటించారు. ప్రస్తుతం అభిషేక్.. సినిమాలతో పాటు వెబ్ సిరీస్లు చేస్తున్నారు. ప్రియాంక్.. బాలీవుడ్తో పాటు హాలీవుడ్ సినిమాల్లోనూ నటిస్తోంది.
ఇదీ చూడండి: గోల్డెన్ చీరలో సాయిపల్లవి.. ప్రగ్యా జైస్వాల్ సోకుల విందు!
