బాలీవుడ్ హీరో అభిషేక్ బచ్చన్ ఏడాది విరామం తర్వాత మళ్లీ కెమెరా ముందుకొచ్చాడు. అతడు ప్రధాన పాత్రలో నటిస్తున్న ఆ చిత్రం 'ద బిగ్బుల్'. 'యాన్‌ అన్‌రియల్‌ స్టోరీ' అనేది ఉప శీర్షిక. ఇటీవలే సెట్స్‌పైకి వెళ్లింది. ఈ సందర్భంగా దున్నపోతు ఆకారంలో డిజైన్‌ చేసిన టైటిల్‌ పోస్టర్‌ను ట్విటర్‌లో పంచుకున్నాడు అభిషేక్.
1990-2000 మధ్య భారత ఆర్థిక రంగ ముఖచిత్రాన్ని మార్చేసిన సంఘటనల ఆధారంగా ఈ సినిమా రూపొందిస్తున్నట్లు తెలుస్తోంది. ప్రముఖ కథానాయకుడు అజయ్ దేవగణ్ నిర్మాతగా వ్యవహరిస్తున్నారు. ఇలియానా కీలక పాత్రలో కనిపించనుంది. కూకీ గులాటీ దర్శకుడిగా పరిచయమవుతున్నాడు. వచ్చే ఏడాది విడుదల కానుంది.
ఇది చదవండి: ముద్దిచ్చి.. ఆపై దర్శకేంద్రుడు రాఘవేంద్రరావుకు బిందిచ్చిన పూజా హెగ్డే
