అక్షయ్ కుమార్ ప్రధాన పాత్రలో నటిస్తున్న చిత్రం 'బచ్చన్‌ పాండే'. ఫర్హాద్‌ సమ్జీ దర్శకత్వం వహిస్తున్న ఈ చిత్రంలో ప్రతినాయకుడిగా అభిమన్యు సింగ్ నటిస్తున్నారు. ప్రముఖ సినీ విశ్లేషకుడు తరణ్ ఆదర్శ్ ఈ విషయాన్ని ట్వీట్ చేశారు. ఇటీవలే సినిమా షూటింగ్‌ జైసల్మేర్‌లో ప్రారంభమైంది.
అభిమన్యు దక్షిణాది చిత్రాల్లోనూ ప్రతినాయకుడిగా నటించి అలరించారు. జాక్విలిన్ ఫెర్నాండెజ్, కృతి సనన్‌, అర్షద్ వార్సీ పలు కీలక పాత్రల్లో నటిస్తున్నారు. ఈ చిత్రం జనవరి 26, 2022 న విడుదల కానుంది. ఇక అభిమన్యు సింగ్ బాలీవుడ్‌లో 'గోలియాన్‌ కి రాస్‌లీలా రామ్ లీలా', 'రక్తచరిత్ర', 'లక్ష్య', 'మామ్' చిత్రాల్లోనూ పనిచేశారు. అక్షయ్ కుమార్‌తో కలిసి 'వన్స్ అపాన్‌ ఏ టైమ్‌ ఇన్‌ ముంబై దొబారా', 'సూర్యవన్షి'ల్లో నటించారు. ప్రస్తుతం 'ద బ్యాటిల్‌ ఆఫ్‌ భీమా కోరెగావ్' చిత్రంలో పనిచేస్తున్నారు.
ఇదీ చూడండి : తేదీల్ని ఫిక్స్ చేసిన అక్షయ్ కుమార్, శర్వానంద్
