బాలీవుడ్ అగ్రహీరో ఆమిర్ ఖాన్కు గాయమైనా సరే షూటింగ్లో పాల్గొన్నారు. పెయిన్ కిల్లర్స్ వేసుకుని మరీ 'లాల్సింగ్ చద్దా' సినిమాలోని సన్నివేశాలను పూర్తి చేశారు. ఈ విషయాన్ని చిత్రబృందంలోని ఓ వ్యక్తి వెల్లడించారు. ఓ యాక్షన్ సీన్ తీస్తుండగా ఆమిర్ పక్కటెముకకు గాయమైందని, అయినా సరే షూట్ ఆలస్యం కాకూడదనే ఉద్దేశంతో తిరిగి చిత్రీకరణలో పాల్గొన్నారని తెలిపారు.
హాలీవుడ్ హిట్ 'ఫారెస్ట్ గంప్'కు రీమేక్ అయిన ఈ సినిమాను దర్శకుడు అద్వైత్ చందన్ తెరకెక్కిస్తున్నారు. కరీనా కపూర్ హీరోయిన్. త్వరలో బిడ్డకు జన్మనివ్వబోతున్న కారణంగా ఆమెకు సంబంధించిన షూటింగ్ను ఇటీవలే పూర్తి చేశారు. ఆ విషయాన్ని ఇన్స్టా వేదికగా కరీనా పంచుకుంది.
