బాలీవుడ్ స్టార్ హీరో ఆమిర్ ఖాన్.. కొంతకాలంగా 'మహాభారతం' చిత్రాన్ని తెరకెక్కించేందుకు సన్నాహాలు చేస్తున్నారు. తాజాగా ఈ విషయమై ఆయన వెనక్కు తగ్గినట్లు సమాచారం. ఈ సినిమాను తెరకెక్కించడానికి ఇది సరైన సమయం కాదని ఆమిర్ భావించినట్లు తెలిసింది.
కారణాలు ఇవేనా?
ఈ చిత్రాన్ని తెరకెక్కించడానికి సమర్థవంతమైన దర్శకుడు, పాత్రకు న్యాయం చేయగలే ప్రముఖ నటులు అవసరం. కానీ ప్రస్తుత పరిస్థితుల్లో తన చిత్రానికి వీరు దొరకడం కష్టం.
దీన్ని తెరకెక్కించడానికి ఎక్కువ సమయం పడుతుంది. రూపొందించే విషయమై అనుకోని వివాదాల్లో తాను(ఆమిర్) ఇరుక్కుపోతానేమోనన్న భయం కూడా ఒకటని వినికిడి.
మరోవైపు ఈ ఇతిహాసాన్ని దర్శకుడు రాజమౌళి, దీపికా పదుకొణె కూడా తెరకెక్కించాలని ప్రయత్నాలు చేస్తున్నారు.
ఇదీ చూడండి: దీపికా పదుకొణె 'మహాభారతం' ఆగిపోయిందా?
