*1983 ప్రపంచకప్ ఆధారంగా తీస్తున్న సినిమా '83'. గత కొన్ని నెలల నుంచి వాయిదా పడుతూ వస్తున్న ఈ చిత్రం.. డిసెంబరు 24న థియేటర్లలోకి రానుంది. ఈ క్రమంలోనే టీజర్ను శుక్రవారం(నవంబరు 26) రిలీజ్ చేశారు. 1983 జూన్ 25న జరిగిన మ్యాచ్ దృశ్యాల్ని.. ఈ టీజర్లో కళ్లకు కట్టినట్లు చూపించారు.
- " class="align-text-top noRightClick twitterSection" data="">
ఈ సినిమాలో కపిల్దేవ్ పాత్రలో రణ్వీర్ సింగ్, కపిల్ భార్య పాత్రలో దీపికా పదుకొణె నటించింది. మిగతా పాత్రల్లో జీవా, పంకజ్ త్రిపాఠి, అమ్మి విర్క్, తాహిర్ బాసిన్ తదితరులు కీలకపాత్రల్లో కనిపించనున్నారు.
*ఓటీటీలో శుక్రవారం మూడు తెలుగు సినిమాలు విడుదలయ్యాయి. వాటిలో ఆకాశ్ పూరీ 'రొమాంటిక్', సాయిధరమ్ తేజ్ 'రిపబ్లిక్', నవీన్ చంద్ర 'బ్రో' చిత్రాలు ఉన్నాయి.
'రొమాంటిక్' సినిమాలో ఆకాశ్ పూరీ, కేతిక శర్మ హీరోహీరోయిన్లుగా నటించారు. ఆహా ఓటీటీలో ఇది విడుదలైంది. పూరీ జగన్నాథ్.. కథ, స్క్రీన్ప్లే, మాటలు అందించగా.. అనిల్ పాదూరి దర్శకత్వం వహించారు.
'రిపబ్లిక్' సినిమా జీ5లో రిలీజైంది. ఇందులో సాయిధరమ్ తేజ్.. కలెక్టర్గా నటించారు. దేవాకట్టా దర్శకత్వం వహించారు.
'బ్రో' సినిమాలో నవీన్ చంద్ర, అవికా గోర్ ప్రధాన పాత్రల్లో నటించారు. అన్నాచెల్లెలు నేపథ్యంగా తీసిన ఈ చిత్రాన్ని నేరుగా సోనీ లివ్లో విడుదల చేశారు. కార్తిక్ తుపరాని దర్శకత్వం వహించారు.
ఇవీ చదవండి:
