గతేడాది కరోనా కారణంగా రద్దైన ప్రపంచ ప్రఖ్యాత 'కేన్స్ అంతర్జాతీయ చలన చిత్రోత్సవం' ఈసారి మళ్లీ వచ్చేసింది. ఫ్రాన్స్లోని కేన్స్ నగరం వేదికగా.. మంగళవారం ఈ సినిమా సంబరం ఘనంగా ప్రారంభమైంది. 74వ ఏడాది జరుగుతున్న ఈ చిత్రోత్సవంలో లియోస్ కారక్స్ దర్శకత్వం వహించిన 'అన్నెట్టే' చిత్రాన్ని తొలుత ప్రదర్శించారు.
చిత్రోత్సవంలో భాగంగా.. మొదటి రోజు ఎర్ర తివాచీపై పలువురు హాలీవుడ్ తారలు నడుస్తూ ఫొటోలకు పోజులిచ్చారు. వచ్చే శనివారం(జులై 17) వరకు ఈ సినీ సంబరం కొనసాగనుంది.
కరోనా ఆంక్షల మధ్యే..
చిత్రోత్సవంలో కరోనా నిబంధలను పక్కాగా అమలు చేస్తున్నారు. కొవిడ్ టీకా తీసుకున్నావారిని లేదా 48 గంటల ముందు కరోనా పరీక్షల్లో నెగెటివ్ వచ్చిన వారిని మాత్రమే లోపలికి అనుమతిస్తున్నారు. నటీనటులు ముద్దు పెట్టుకోవడాన్ని నిషేధించారు.
