సుదీర్ఘ విరామం తర్వాత ప్రేక్షకులను అలరించడానికి సిద్ధమయ్యాడు బాలీవుడ్ సూపర్స్టార్ షారుక్ ఖాన్. 'జీరో' చిత్రం తర్వాత మరో సినిమా చేయని ఇతడు ఇప్పుడు నాలుగు సినిమాలతో రానున్నట్టు తెలుస్తోంది. అది కూడా సరికొత్త కాంబోలో.. ఇంతకు ముందు కలిసి పనిచేయని దర్శకులతో చేయనున్నాడు షారుక్.
సిద్ధార్థ్ ఆనంద్:
ప్రస్తుతం షారుక్.. 'పఠాన్' చిత్రంతో బిజీగా ఉన్నాడు. దానికి సిద్ధార్థ్ ఆనంద్ దర్శకుడు. ఆయన ఇదివరకు హృతిక్తో 'వార్', 'బ్యాంగ్ బ్యాంగ్' చిత్రాలు చేశాడు. యాక్షన్ సినిమాలను స్టైలిష్గా తెరకెక్కించే ఈ దర్శకుడితో చేస్తున్న సినిమాపై భారీ అంచనాలున్నాయి.
రాజు హిరాణీ:
బాలీవుడ్లో ఎప్పటినుంచో ఎదురుచూస్తున్న కలయిక రాజు హిరాణీ-షారుక్. 'పఠాన్' పూర్తవగానే జూన్లో ఈ సినిమా షూటింగ్లో పాల్గొంటాడు కింగ్ ఖాన్.
అట్లీ:
తమిళ దర్శకుడు అట్లీతో షారుక్ సినిమా అంటూ గతంలో ప్రచారం జరిగింది. అయితే ఆ తర్వాత ఎలాంటి అప్డేట్ లేదు. ఈ ప్రాజెక్ట్పై అధికారిక ప్రకటన లేనప్పటికీ చిత్రానికి షారుక్ అంగీకారం చెప్పినట్లు సమాచారం. అన్నీ కుదిరితే వచ్చే ఏడాది ఈ సినిమా సెట్స్ పైకి వెళ్లే అవకాశం ఉంది.
రాజ్, డీకే:
'ఫ్యామిలీ మ్యాన్' వెబ్ సిరీస్ విజయం తర్వాత షాహిద్తో ఓ వెబ్సిరీస్ చేస్తున్నారు దర్శక ద్వయం రాజ్, డీకే. వారితో కలిసి పనిచేయడానికి షారుక్ ఎంతో ఆసక్తితో ఉన్నాడు. ప్రస్తుతం ఈ ప్రాజెక్టు చర్చల దశలో ఉంది. ఇదీ కూడా వచ్చే ఏడాదే చిత్రీకరణకు వెళ్లనుందని సమాచారం.
ఇదీ చూడండి: ఇలియానా: జీరో సైజు సుందరి.. గోవా చిన్నది
