టాలీవుడ్లో ఈ వారం (శుక్రవారం) ఏకంగా 11 సినిమాలు విడుదల కానున్నాయి. క్రాక్, ఉప్పెన, నాంది ఇచ్చిన జోష్తో ఈ సినిమాలూ బాక్సాఫీస్ వద్ద సత్తాచాటడానికి ఉవ్విళ్లూరుతున్నాయి. ఈ నేపథ్యంలో ఈ శుక్రవారం (మార్చి 5) విడుదల కానున్న సినిమాలు ఏంటో చూద్దాం.
- రాజ్ తరుణ్ హీరోగా తెరకెక్కిన పొలిటికల్ డ్రామా 'పవర్ ప్లే'. విజయ్ కుమార్ కొండా దర్శకత్వంలో రూపొందుతున్న ఈ చిత్రంలో పూర్ణ, హేమల్ హీరోయిన్లుగా నటించారు.ఇప్పటికే విడుదల చేసిన ట్రైలర్, పోస్టర్లు సినిమాపై ఆసక్తి పెంచుతున్నాయి. ఈ మూవీ శుక్రవారం విడుదలవబోతుంది.పవర్ ప్లే
- సందీప్ కిషన్, లావణ్య త్రిపాఠి ప్రధానపాత్రల్లో హాకీ నేపథ్యంలో తెరకెక్కుతోన్న చిత్రం 'ఏ1 ఎక్స్ప్రెస్'. జీవన్ దర్శకత్వం వహిస్తున్నారు. వెంకటాద్రి సినిమాస్, పీపుల్ మీడియా ఫ్యాక్టరీ, అభిషేక్ పిక్చర్స్ సంయుక్తంగా నిర్మిస్తున్నాయి. సందీప్కు 25వ చిత్రమైన దీనితో 14 మంది కొత్త వారు పరిచయమవుతుండటం విశేషం. ఇందులో నటీనటులు, పలువురు సాంకేతిక నిపుణులు ఉన్నారు.ఏ1 ఎక్స్ప్రెస్
- ప్రముఖ సీరియల్ 'మొగలిరేకులు' ఫేం సాగర్(ఆర్.కె.నాయుడు) ప్రధాన పాత్రలో నటించిన సినిమా 'షాదీ ముబారక్'. రొమాంటిక్ కామెడీ నేపథ్యంలో రూపొందింది. దృశ్య ర‌ఘునాథ్‌ కథానాయిక. ప్రముఖ నిర్మాత దిల్ రాజు ఈ చిత్రానికి స‌మ‌ర్ప‌కుడిగా వ్య‌వ‌హ‌రిస్తున్నారు. ఆశిష్ శ్రీవాస్తవ్ దర్శకత్వం వహించారు. ఈ చిత్రం కూడా మార్చి 5న ప్రేక్షకుల ముందుకు రానుంది.షాదీ ముబారక్
- నితిన్ ప్రసన్న, ప్రీతి అస్రాని హీరోహీరోయిన్లుగా తెరకెక్కిన చిత్ర 'ఏ'. యుగంధర్ ముని దర్శకత్వం వహించిన ఈ సినిమా ట్రైలర్ ఇటీవలే విడుదలై ఆకట్టుకుంటోంది. ఈ సినిమా కూడా మార్చి 5న విడుదల కానుంది.ఏ
- యాంకర్ రవి కీలకపాత్ర పోషించిన 'తోట బావి' కూడా శుక్రవారం (మార్చి 5)రోజున విడుదల కానుంది.తోటబావి
- విజయ్ సేతుపతి తమిళ డబ్బింగ్ చిత్రం 'విక్రమార్కుడు' శుక్రవారం ప్రేక్షకుల ముందుకు రానుంది.విక్రమార్కుడు
- అలాగే పిల్లలందర్నీ ఎంతో ఆకట్టుకునే 'పరమానందయ్య శిష్యుల కథ' త్రీడీ రూపంలో శుక్రవారం రిలీజ్ కానుంది.పరమానందయ్య శిష్యుల కథ
- 'కేజీఎఫ్'తో మంచి గుర్తింపు సాధించిన యశ్ కన్నడ డబ్బింగ్ సినిమా 'గజకేసరి' కూడా మార్చి 5న ప్రేక్షకుల్ని పలకరించనుంది.గజకేసరి
- సూపర్ స్టార్ మహేశ్బాబు, దర్శకుడు సుకుమార్ కాంబోలో రూపొందించిన చిత్రం 'వన్ నేనొక్కడినే'. ఈ చిత్రాన్ని ఇప్పటికి కూడా టాలీవుడ్లో మోస్ట్ ఇంటెలిజెంట్ స్క్రిప్ట్గా పరిగణిస్తున్నారు. అలాంటి అద్భుతమైన కథను ప్రేక్షకులకు అందించిన రచయిత హరి ప్రసాద్ జక్కా దర్శకత్వంలో రాబోతున్న సినిమా 'ప్లేబ్యాక్'. సైన్స్ ఫిక్షన్ థ్రిల్లర్గా తెరకెక్కిన ఈ చిత్రం మార్చి 5 నుంచి థియేటర్లలో సందడి చేయనుంది.ప్లే బ్యాక్
- నందమూరి తారకరత్న కీలకపాత్రలో నటిస్తోన్న చిత్రం 'దేవినేని'. ఈ సినిమాతో యాంగ్రీ లుక్తో ఆకట్టుకోనున్నారు తారకరత్న. ఈ సినిమా కూడా నేడు అదృష్టాన్ని పరీక్షించుకోనుంది.దేవినేని
- నటకిరీటి రాజేంద్రప్రసాద్ ప్రధాన పాత్రలో నటించిన చిత్రం 'క్లైమాక్స్'. భవాని శంకర్ దర్శకత్వం వహించిన ఈ సినిమా శుక్రవారం విడుదల కానుంది.క్లైమాక్స్
