సినీపరిశ్రమలో అద్భుతమైన సినిమాలకు ఆదరణ లభించడం మామూలు విషయమే! కానీ, ఓ హిట్టు సినిమా అత్యధిక కలెక్షన్లు రాబట్టడమే కాకుండా వందకు పైగా పురస్కారాలను అందుకుంది. ఇంతకి ఆ చిత్రం ఏది అని అనుకుంటున్నారా? బాలీవుడ్ స్టార్ హీరో హృతిక్ రోషన్ హీరోగా పరిచయమైన 'కహోనా ప్యార్ హై' చిత్రం ఈ రికార్డును నెలకొల్పింది. ఏకంగా 102 అవార్డులు దక్కించుకున్న సినిమాగా ఘనత వహించింది.
హృతిక్ తండ్రి రాకేష్‌ రోషన్ స్వీయ దర్శకత్వంలో నిర్మించిన ఈ చిత్రం 2000 సంవత్సరంలో జనవరి 14న విడుదలై భారీ విజయాన్ని అందుకుంది. ఈ చిత్రం అప్పట్లో రూ.10 కోట్ల బడ్జెట్‌తో నిర్మితమై.. ప్రపంచవ్యాప్తంగా రూ.62 కోట్లు వసూళ్లు రాబట్టింది. హృతిక్ కెరీర్లో ఈ సినిమా ఓ పెద్ద మలుపు. ఇందులో హృతిక్ రోషన్ సరసన హీరోయిన్గా అమీషా పటేల్ నటించింది.
ఇదీ చూడండి: మీ వదినను పరిచయం చేస్తా.. అభిమానులతో వరుణ్
