భారత స్మార్ట్ ఫోన్ మార్కెట్ను ఏలుతున్న చైనా కంపెనీ 'షియోమీ' ఇప్పుడు స్మార్ట్ టీవీల వ్యాపారాలపై దృష్టి సారించింది. ఇప్పటికే స్మార్ట్ టీవీల సెగ్మెంట్లో తన స్థానాన్ని సుస్థిరం చేసుకున్న ఈ కంపెనీ.. ఇప్పుడు ప్రీమియం మోడళ్లనూ దేశీయ మార్కెట్లోకి తీసుకొచ్చేందుకు సిద్ధమైంది.
ఇందులో భాగంగా 55 అంగుళాల ఎంఐ బ్రాండ్.. క్యూఎల్ఈడీ టీవీని ఈ నెల 16న మార్కెట్లోకి విడుదల చేయనున్నట్లు కంపెనీ ఉన్నతాధికారి ఒకరు ప్రకటించారు. ఈ టీవీ పూర్తిగా భారత్లోనే అసెంబుల్ చేసినట్లు పేర్కొన్నారు. టీవీ ఫీచర్లు, ధర వంటి వివరాలు మాత్రం వెల్లడించలేదు.
అయితే ఎంఐ వెబ్సైట్లో ఉన్న సమాచారం ప్రకారం.. కొత్త స్మార్ట్ టీవీలో 4కే రెసొల్యూషన్స్, డాల్బీ ఆడియో సపోర్ట్ వంటివి ఉండనున్నట్లు తెలిసింది.
టీవీల మార్కెట్లో ఎంఐ వాటా..
ఎంఐ స్మార్ట్ టీవీలు వరుసగా తొమ్మిదో త్రైమాసికంలోనూ బెస్ట్ సెల్లింగ్ డివైజ్లుగా నిలిచినట్లు కంపెనీ తెలిపింది. ఈ ఏడాది రెండో త్రైమాసింకంలో 22 శాతం మార్కెట్ వాటాను దక్కించుకున్నట్లు వెల్లడించింది. 2018లో దేశ స్మార్ట్ టీవీ మార్కెట్లోకి ప్రవేశించినప్పటి నుంచి ఇప్పటి వరకు మొత్తం 50 లక్షల యూనిట్లకుపైగా విక్రయించినట్లు వివరించింది.
ఇదీ చూడండి:గూగుల్పే, పేటీఎంకు పోటీగా ఐసీఐసీఐ యాప్
