Whatsapp on 5 devices: వాట్సాప్ మల్టీ డివైజ్ ఫీచర్ ఇప్పుడు అందరికీ అందుబాటులోకి వచ్చింది. ఇప్పటివరకు బీటా యూజర్లు మాత్రమే ఉపయోగించుకున్న ఈ సేవలను.. మిగిలిన వినియోగదారులకు అందుబాటులోకి తెస్తున్నట్లు సంస్థ ప్రకటించింది.
వాట్సాప్ మల్టీ డివైజ్ ఫీచర్ ద్వారా ఒకేసారి ఐదు డివైజ్లలో వాట్సాప్ లాగిన్ అవ్వొచ్చు. మనం వాడే ఫోన్తో పాటు.. ల్యాప్టాప్స్, డెస్క్టాప్స్లో వెబ్ వెర్షన్ను వినియోగించుకోవచ్చు. ఇప్పటివరకు ప్రధాన ఫోన్లో ఇంటర్నెట్ కనెక్టివిటీ ఉంటేనే.. వెబ్ వెర్షన్ ఓపెన్ అయ్యేది. తాజా అప్డేట్లో.. ఇండిపెండెంట్గా వాట్సాప్ వెబ్ పనిచేయనుంది. అయితే, 14 రోజుల వరకు ప్రధాన ఫోన్ను వాడకుండా ఉంటే.. వెబ్ వెర్షన్ ఆటోమెటిక్గా ఆగిపోతుంది.
ఎలా పనిచేస్తుందంటే?
'వాట్సాప్ వెబ్'లో లాగిన్ అయ్యే సమయంలో క్యూఆర్ కోడ్ను స్కాన్ చేయగానే.. రీసెంట్ మెసేజ్లతో కూడిన ఎన్క్రిప్టెడ్ కాపీ ప్రధాన ఫోన్ నుంచి వెబ్కు ట్రాన్స్ఫర్ అవుతుంది. వెబ్ వెర్షన్లో మెసేజ్లన్నింటినీ చూసేందుకు వీలు ఉండదు. పాత సందేశాలు కావాలనుకుంటే ప్రధాన మొబైల్లో చూడాలని.. వెబ్లో అలర్ట్ ఇస్తుంది. ఫోన్లో లభించే కొన్ని ఫీచర్లు.. వెబ్ నుంచి కట్ చేసింది వాట్సాప్. అవేంటంటే?
- ఐఫోన్ వాడే యూజర్లు.. వాట్సాప్ వెబ్లో చాట్స్ను డిలీట్ చేయడం కుదరదు.
- పాత మొబైల్ వెర్షన్ను వాడుతున్న యూజర్లు ఫోన్ కాల్స్, మెసేజ్లు చేసుకోలేరు.
- లింక్ చేసిన డివైజ్లలో లైవ్ లొకేషన్ చూడటం వీలు పడదు.
- బ్రాడ్కాస్ట్ లిస్ట్ను తయారు చేయడం, చూడటం వంటివి చేయలేరు.
- వాట్సాప్ వెబ్ నుంచి.. లింక్ ప్రివ్యూలతో మెసేజ్లను పంపడం కుదరదు.
వాట్సాప్ వెబ్లో ఎలా లాగిన్ అవ్వాలంటే?
- లాగిన్ అయ్యే సమయంలో ల్యాప్టాప్, మొబైల్ రెండింటికీ ఇంటర్నెట్ కనెక్షన్ ఉండేలా చూసుకోవాలి.
- ల్యాప్టాప్, డెస్క్టాప్ బ్రౌజర్లో.. 'web.whatsapp.com' లోకి వెళ్లాలి. స్క్రీన్పై క్యూఆర్ కోడ్ కనిపిస్తుంది.
- మొబైల్ వాట్సాప్ త్రీ-డాట్ మెనూలో లింక్డ్ డివైజ్ ఆప్షన్పై క్లిక్ చేసి.. బ్రౌజర్లో కోడ్ను స్కాన్ చేయాలి.
- కొంత సమయం తర్వాత వాట్సాప్ వెబ్.. ల్యాప్టాప్, డెస్క్టాప్లో పనిచేయడం ప్రారంభిస్తుంది. వినియోగిస్తున్న ఫోన్ను బట్టి.. ఇంటర్నెట్ లేకుండానే వెబ్ అకౌంట్ పనిచేస్తుంది.
ఇదీ చదవండి: శాంసంగ్ నుంచి 'వాటర్ ప్రూఫ్' ఫోన్.. ప్రైవసీకి కొత్త ఆప్షన్!
