WhatsApp New Feature: ప్రముఖ సామాజిక మాధ్యమాల్లో ఒకటైన వాట్సాప్ మరో సరికొత్త ఫీచర్ను అందుబాటులోకి తీసుకువస్తోందని నెట్టింట వార్తలు చక్కర్లు కొడుతున్నాయి. అవతలి వ్యక్తి మన మెసేజ్లు, మనం పంపిన ప్రైవేట్ వీడియోలు, ఫొటోలను స్క్రీన్ షాట్ తీస్తే.. వెంటనే అలర్ట్గా మూడు టిక్కులు కనిపిస్తాయన్నది ఆ వార్తల సారాంశం. అంతేగాకుండా ఈ ఫీచర్ను పరీక్షించి త్వరలోనే వాట్సాప్ యూజర్లకు అందుబాటులోకి తీసుకువచ్చేందుకు ప్రణాళికలు రచిస్తున్నట్లు న్యూస్ తెగ వైరల్ అయ్యింది. అయితే ఇది పూర్తిగా అవాస్తవం అని వాట్సాప్ వివరాలను ఎప్పటికప్పుడు లీక్ చేసే వెబ్ బీటా ఇన్ఫో తెలిపింది.
సాధారణంగా వాట్సాప్లో మనం ఎవరికైనా మెసేజ్ చేస్తే... డెలివరీ కాకపోతే ఒక బూడిద రంగు టిక్ కనిపిస్తుంది. అదే డెలివరీ అయితే రెండు టిక్ సింబల్స్ అదే రంగులో కనిపిస్తాయి. ఒక వేళ మనం పంపిన మెసేజ్ను ఎదుటి వ్యక్తి చూస్తే.. ఆ రెండు టిక్ సింబల్స్ కాస్తా నీలి రంగులోకి మారిపోతాయి. ఇది సాధారణంగా జరిగే ప్రక్రియే. వీటికి తోడు.. మన చాట్ను, మీడియాను స్క్రీన్ షాట్ తీస్తే.. మనకు తెలిసేందుకు వాట్సాప్ మూడో టిక్ సింబల్ను తీసుకురానున్నట్లు గాసిప్స్ వినిపించాయి.
వాస్తవానికి ఇలాంటి ఫీచర్ ఇతర యాప్ల్లో అందుబాటులో ఉంది. యువత ఎక్కువగా ఉపయోగించే స్నాప్చాట్, ఇన్స్టాగ్రామ్ డీఎం వానిష్ మోడ్లలో ఎదుటి వ్యక్తి స్క్రీన్ షాట్ తీస్తే మనకు తెలిసే ఫీచర్ ఉంది. నిజానికి ఈ ఫీచర్ను వివిధ కారణాల వల్ల వాట్సాప్ తీసుకురాలేదు. కాబట్టి ఈ వార్తలు అవాస్తవం. అయితే వాట్సాప్ త్వరలో కాంటాక్ట్ ఇన్ఫో పేరుతో మరో ఫీచర్ను తీసుకురానున్నట్లు తెలిస్తోంది. ఇది అందుబాటులోకి వస్తే.. లోకల్ బిజినెస్కు మరింత ఊతం కలుగుతుందని నిపుణులు చెప్తున్నారు.
ఇవీ చూడండి:
Online Addiction: కొత్త ఏడాదిని 'స్మార్ట్‌'గా గడిపేద్దాం.. రండి!
Apple Display Technology: ఐఫోన్‌లో కొత్త ఫీచర్.. ఫోన్‌ డిస్ప్లేతో ఛార్జింగ్
