సరికొత్తగా వాట్సాప్​​- ఇక అదిరే​ స్టిక్కర్లతో చాటింగ్​

ప్రముఖ మెసేజింగ్​ అప్లికేషన్​​ వాట్సాప్​ సరికొత్త ఫీచర్లతో వినియోగదారుల ముందుకొస్తోంది. ఇందులో భాగంగా యానిమేటెడ్​ స్టిక్కర్లు అందుబాటులోకి తెచ్చింది. క్యూఆర్ కోడ్​లు, గ్రూప్​ వీడియో కాలింగ్​ సేవలను మెరుగుపర్చింది. వాట్సాప్​ వెబ్​లో డార్క్​ మోడ్​ ఫీచర్​ను జత చేసింది.

ప్రస్తుత కాలంలో భావాలను వ్యక్తపరిచేందుకు సందేశాలతో పాటు ఎక్కువగా వినియోగిస్తున్నవి స్టిక్కర్లు. పదాలతో పలికించలేని భావాలను వీటితో వ్యక్తం చేయొచ్చు. అంతేకాకుండా చిన్నపాటి డైలాగ్​లు, హస్యం జోడించిన వ్యక్తుల యానిమేటెడ్​ గ్రాఫిక్స్​తో ఎంత సేపు చాటింగ్​ చేసినా బోర్​ కొట్టదు. అయితే ఇప్పటివరకు ఈ ఫీచర్​ వాట్సాప్​లో అందుబాటులో లేదు. స్టిక్కర్లు కావాలంటే యూజర్లు థర్డ్​పార్టీ యాప్స్​ వినియోగించాల్సి వచ్చేది. ఇప్పుడు ​ఆ సదుపాయాన్ని తెచ్చేస్తోంది వాట్సాప్​.

స్టిక్కర్లతో మరింతగా...

యానిమేటెడ్​ స్టిక్కర్లను అందుబాటులోకి తెస్తోన్న వాట్సాప్​... ఈ గ్రాఫిక్స్​తో భావాలను మరింతగా వ్యక్తపరచవచ్చని అభిప్రాయపడింది. యూజర్లను కచ్చితంగా ఈ ఫీచర్​ ఆకట్టుకుంటుందని చెప్పింది.

గ్రూప్​ వీడియో కాల్​​...

వాట్సాప్​ ఇప్పటికే ఉన్న గ్రూప్ వీడియో​ కాలింగ్​ను మరింత అభివృద్ది చేసింది. ఈ ఫీచర్​ ఫలితంగా ఒకేసారి 8 మంది మాట్లాడుకునే అవకాశం రానుంది. కాయ్​ ఆపరేటింగ్​ సిస్టమ్​తో పనిచేసే జియో ఫీచర్​ ఫోన్లలోనూ వాట్సాప్ పనిచేయడమే కాకుండా​ వాటిలో స్టేటస్​లు పెట్టుకునే సౌలభ్యం కల్పిస్తోంది.

స్కాన్​ చేస్తే కాంటాక్ట్​ సేవ్​?

సాధారణంగా ఎవరి ఫోన్‌ నెంబర్​ అయినా మనం సేవ్​‌ చేసుకోవాలంటే కాంటాక్ట్‌ మెనూకు వెళ్లి అక్కడ టైప్‌ చేసి.. యాడ్‌ కాంటాక్ట్‌ కొట్టి, ఆపై పేరు సేవ్‌ చేసుకుంటాం. ఒకట్రెండు నెంబర్లైతే ఓకే. అదే పదుల సంఖ్యలో ఉంటే? ఇలాంటి సందర్భాల కోసమే వాట్సాప్‌ ఈ సరికొత్త ఫీచర్‌ను తీసుకురాబోతోంది. పైగా మాన్యువల్‌గా టైప్‌ చేసేటప్పుడు కొన్నిసార్లు పొరపాటున ఒక నెంబర్‌కు బదులు మరో నెంబరుతో కాంటాక్ట్‌ ఫీడ్​‌ చేసుకునే పరిస్థితి కూడా ఉంది. ఇక నుంచి అలాంటి ఇబ్బందులకు చరమగీతం పాడవచ్చు. ఎవరి నంబర్​ అయినా మన మొబైల్​లో సేవ్‌ చేసుకోవాలంటే వాట్సాప్‌లోని వాళ్ల క్యూర్‌ కోడ్‌ను స్కాన్‌ చేస్తే చాలు ఆటోమేటిక్‌గా ఆ కాంటాక్ట్‌ మన ఫోన్‌లో యాడ్‌ అయిపోతుంది.

వెబ్​లో డార్క్​ మోడ్​...

మార్చిలోనే ఫోన్​ యాజర్లకు డార్క్​ మోడ్​ను తీసుకొచ్చిన వాట్సాప్​ సంస్థ.. తాజాగా వెబ్​, డెస్క్​టాప్​కు ఆ ఫీచర్​ను అందుబాటులోకి తెస్తోంది. దీని వల్ల కళ్లపై కాంతి ప్రభావం తగ్గుతుంది. మొబైల్​లో అయితే బ్యాటరీ లైఫ్​ పెరుగుతుంది. ఈ కొత్త ఫీచర్లన్నీ త్వరలో విడుదలకానున్న వాట్సాప్​ కొత్త వెర్షన్​లో కనువిందు చేయనున్నాయి. ఇప్పటికే బీటా టెస్టింగ్​ తీసుకున్న యాప్​లలో ఈ ఫీచర్లు ఉన్నాయి.

• New feature alert! We are rolling out Dark Mode on desktop, improvements to group video calls, Status in KaiOS - and coming in a few weeks, Animated Stickers and QR codes. pic.twitter.com/wflA9WO0wJ

  — WhatsApp Inc. (@WhatsApp) July 1, 2020 " class="align-text-top noRightClick twitterSection" data="

  New feature alert! We are rolling out Dark Mode on desktop, improvements to group video calls, Status in KaiOS - and coming in a few weeks, Animated Stickers and QR codes. pic.twitter.com/wflA9WO0wJ

  — WhatsApp Inc. (@WhatsApp) July 1, 2020

  ">

  New feature alert! We are rolling out Dark Mode on desktop, improvements to group video calls, Status in KaiOS - and coming in a few weeks, Animated Stickers and QR codes. pic.twitter.com/wflA9WO0wJ

  — WhatsApp Inc. (@WhatsApp) July 1, 2020