చైనాతో గల్వాన్ ఘర్షణ తర్వాత ఆ దేశ యాప్లపై నిషేధం వేసిన భారత ప్రభుత్వం.. స్వదేశీ యాప్లు రూపొందించాలని ఛాలెంజ్ చేసింది. అయితే ఈ సవాలు విసిరిన 24 గంటల్లోనే.. తొలి సోషల్ మీడియా యాప్ విడుదలైంది. పూర్తి స్వదేశీయంగా తయారైన ఈ అప్లికేషన్కు 'ఎలిమెంట్స్' అనే పేరు పెట్టారు. దీన్ని ఉపరాష్ట్రపతి వెంకయ్య నాయుడు, ఆర్ట్ఆఫ్ లివింగ్ ఫౌండర్ శ్రీశ్రీ రవిశంకర్ కలిసి ఆవిష్కరించారు.
1000 మంది నిపుణులు...
ఈ యాప్ను 1000 మంది ఐటీ నిపుణులు నెలలు కష్టపడి తయారు చేశారు. ప్రపంచవ్యాప్తంగా పాపులర్ అయిన పలు సోషల్మీడియా యాప్లను క్షుణ్నంగా పరిశీలించి, వాటిలోని ముఖ్యమైన ఫీచర్లను ఇందులో పొందుపరిచారు. గూగుల్ ప్లేస్టోర్, యాపిల్ ఐస్టోర్లో ఉచితంగా లభ్యమవుతోంది.
ఇవీ ఫీచర్లు...
- 'ఎలిమెంట్స్' యాప్తో తాజా ఫీడ్ను సులభంగా యూజర్లు యాక్సెస్ చేసుకోగలరు. ఎప్పటికప్పుడు వేగంగా సమాచారం అప్డేట్ అవుతుంది.
- ఆడియో, వీడియో కాల్, ప్రైవేటు, గ్రూప్ చాట్ సదుపాయం ఉంది.
- ఈ యాప్ ద్వారా బహిరంగంగా మీ అభిప్రాయాలను వ్యక్తపరచవచ్చు.
- 8 భారతీయ భాషల్లో ఇది అందుబాటులో ఉంది.
- మిగతా యాప్ల తరహాలో ఏదైనా పోస్టు పెడితే దాన్ని తొలగించడం, అకౌంట్ బ్లాక్ చేయడం జరగదు.
త్వరలో మరిన్ని...
- ఆడియో/ వీడియో కాన్ఫరెన్స్ కాల్స్.
- ఎలిమెంట్స్ పే ద్వారా సెక్యూర్ పేమెంట్స్.
- సెలబ్రిటీలు, ప్రజాదరణ పొందిన వ్యక్తులను ఫాలో, సబ్స్క్రైబ్ అవ్వొచ్చు.
- ఈ-కామర్స్ రంగంలో ఉన్న భారతీయ బ్రాండ్లకు యాప్లో ప్రచారం
- వాయిస్ కమాండ్ ద్వారా యాప్ను వాడుకోవచ్చు.
ఇవీ చూడండి:
- చైనా యాప్లకు ఇవి ప్రత్యామ్నాయం.. ట్రై చేయండి!
- డిజిటల్ యుద్ధం: 59 చైనా యాప్లపై నిషేధం
- చైనా ఫోన్లు వద్దా.. ఈ మోడళ్లపై లుక్కేయండి!
- నిషేధంతో టిక్టాక్ సంస్థకు రోజుకు ఎంత నష్టం?
- చైనా 'షేరిట్'ను తలదన్నే స్వదేశీ యాప్ వచ్చేసింది!
- టిక్‌టాక్‌కు ప్రత్యామ్నాయంగా చింగారీ యాప్..
- చైనా తీరు నచ్చట్లేదా.. 'రిమూవ్‌ చైనా యాప్స్'
- జూమ్ యాప్కు దీటుగా ఫేస్బుక్ 'మెసెంజర్ రూమ్స్'
