Top 5 Hidden YouTube Features : ఆన్లైన్ వీడియో కంటెంట్లో యూట్యూబ్ రారాజు అని చెప్పడంలో ఎలాంటి అతిశయోక్తి లేదు. 2005లో దీని బీటా వెర్ష‌న్ రిలీజైంది. ఆ స‌మ‌యంలో రోజూ దీన్ని 30 వేల మంది చూసేవారు. కానీ నేడు ప్రతి రోజూ 2.56 బిలియన్ యూజర్లు దీన్ని యాక్సెస్ చేస్తున్నారు. యూట్యూబ్లో దాదాపుగా అన్ని విష‌యాల‌కు సంబంధించిన స‌మాచారం ఉంటుంది. పురాణాలు మొద‌లు, మోడ్రన్ లైఫ్స్టైల్ వ‌ర‌కు అన్ని వీడియోలు ఇందులో ఉంటాయి. చాలా మంది గంటలు, గంటలు యూట్యూబ్ చూస్తూ గడిపేస్తారు. అందువల్ల యూట్యూబ్ ఫీచర్లు గురించి మీకు తెలిసే ఉంటుంది. కానీ అందులో చాలా మందికి తెలియని హిడెన్ ఫీచర్లు ఎన్నో ఉంటాయి. వాటిలోని టాప్-5 బెస్ట్ ఫీచర్లు గురించి ఇప్పుడు తెలుసుకుందాం.
1. Gesturesతో మీడియా ప్లేబ్యాక్ కంట్రోల్
- మ‌న వేలుతో వీడియో ఎడమ లేదా కుడి వైపున, రెండు సార్లు నొక్కి వీడియోను 10 సెకన్లు ఫార్వార్డ్, బ్యాక్వార్డ్ చేసుకోవచ్చు. మూడు సార్లు ట్యాప్ చేస్తే 20 సెకన్లు, 4 సార్లు ట్యాప్ చేస్తే 30 సెకన్ల పాటు వీడియో ఫార్వార్డ్ లేదా బ్యాక్వార్డ్ అవుతుంది. అంతేకాదు, వీడియో ఎంత సేపు స్కిప్ కావాలో కూడా సెట్ చేసుకోవచ్చు. ఇందుకోసం Settings > General > Double-tap to seek పై ప్రెస్ చేసి స్కిప్ టైమ్ను (5, 10, 15, 20, 30, లేదా 60 సెకన్లు) వ‌ర‌కు సెట్ చేసుకోవచ్చు.
- రెండు వేళ్ల‌లో రెండు సార్లు నొక్క‌డం ద్వారా వీడియోలోని నెక్ట్స్ ఛాప్టర్కు వెళ్లవచ్చు. ఇది వివిధ సెక్షన్లుగా రూపొందించిన వీడియోలకు మాత్ర‌మే వ‌ర్తిస్తుంది.
- వీడియోలో ఏ ప్రాంతంలోనైనా లాంగ్ ప్రెస్ చేసి ప‌ట్టుకుంటే, ఆటోమేటిక్గా అది 2x స్పీడ్తో ప్లే అవుతుంది.
- వీడియో పాజ్ చేసి ఉన్న‌ప్పుడు, దాన్ని లాంగ్ ప్రెస్ చేస్తే, కుడికి లేదా ఎడమ వైపున‌కు స్వైప్ చేయ‌వ‌చ్చు. దీని వల్ల మనం అనుకున్న డ్యురేష‌న్ వ‌ద్దకు సుల‌భంగా వెళ్లొచ్చు.
- Swipe down, Swipe up చేస్తే వీడియో Minimize, Maximize అవుతుంది.
- వీడియో ప్లే అవుతున్నప్పుడు రెండు వేళ్ల‌తో పించ్ చేయ‌డం వల్ల దాన్ని జూమ్ ఇన్, జూమ్ అవుట్ చేయ‌వ‌చ్చు.
- పుల్ స్క్రీన్ మోడ్లో వీడియో ప్లే అవుతున్నప్పుడు మ‌న ఫింగ‌ర్తో Swipe up చేస్తే, మనం చూస్తున్న కంటెంట్కు సంబంధించిన వీడియోల లిస్టు క‌న‌బ‌డుతుంది. అందులో మ‌న‌కు నచ్చిన వీడియోని ఎంపిక చేసుకుని చూడవచ్చు.
2. యూట్యూబ్ యూసేజ్ టైమ్
మ‌న‌కు తెలియ‌కుండానే యూట్యూబ్లో గంటలు గంటలు గ‌డుపుతుంటాం. దీని వల్ల చాలా సమయం వృథా అవుతుంది. దీనిని నివారించడానికి 'యూట్యూబ్ వాచ్ టైమ్'ను సెట్ చేసుకోవచ్చు. అదెలా అంటే, ముందుగా మీరు Settings > General> Remind me to take a break అనే ఆప్షన్ను ఎంచుకోవాలి. అందులో ఎంత‌సేప‌టి వ‌ర‌కు బ్రేక్ తీసుకోవాలో సెట్ చేసుకోవచ్చు. కనిష్ఠంగా 5 నిమిషాల నుంచి గరిష్ఠంగా 23 గంట‌ల 55 వ‌ర‌కు ఈ బ్రేక్ టైమ్ను సెట్ చేసుకోవచ్చు. తరువాత OK ప్రెస్ చేయాలి. అంతే నిర్ణీత సమయం అయిన తరువాత మీకు యూట్యూబ్ నుంచి మీకు టైమ్ బ్రేక్ నోటిఫికేషన్ వస్తుంది.
యూట్యూబ్లో మనం నిద్ర‌పోవాల్సిన సమయాన్ని గుర్తు చేయడానికి కూడా ఒక ఫీచర్ అందుబాటులో ఉంది. ఇందుకోసం మీరు Settings > General> Remind me when it's bedtime break అనే ఆప్షన్ను ఎనేబుల్ చేసుకోవాల్సి ఉంటుంది.
3. ప్రైవ‌సీ ప్రొటక్షన్
మనం యూట్యూబ్ ఓపెన్ చేసిన‌ప్పుడు, గ‌తంలో చూసిన వీడియోలకు సంబంధించిన కంటెంట్ వస్తుంది. మీరు మాత్ర‌మే ఆ ఖాతా వాడిన‌ప్పుడు ఏం కాదు కానీ, దాన్ని ఇత‌రులు వినియోగించిన‌ప్పుడు లేదా మీ ఫోన్లో ఎవ‌రైనా యూట్యూబ్ చేస్తున్న‌ప్పుడు, ఏదైనా అనుకోని వీడియోలు వ‌స్తే అంతే సంగ‌తులు. ఇలా జ‌ర‌గ‌కూడ‌ద‌నుకుంటే, కింద తెలిపిన రెండు ప‌ద్ధ‌తులు ఉప‌యోగించాలి.
1వ పద్ధతి: యూట్యూబ్లో Incognito మోడ్ని ఆన్ చేయ‌డం. దీని వల్ల మీ అకౌంట్లోకి సైన్ఇన్ కాకుండానే వీడియోలు చూడవచ్చు. దీని వల్ల మీరు చూసే కంటెంట్ యూట్యూబ్ హిస్ట‌రీలో నమోదు అవ్వదు. దాన్నెలా ఉప‌యోగించాలంటే, యూట్యూబ్ ఓపెన్ చేసిన త‌ర్వాత, అకౌంట్ బ‌ట‌న్ని (You tab) ప్రెస్ చేస్తే, అకౌంట్ నేమ్ కింద Turn on Incognito అని ఉంటుంది. దాన్ని సెలెక్ట్ చేసుకుంటే incognito మోడ్ ఆన్ అవుతుంది. పని పూర్తి అయిన తరువాత Turn Off Incognito నొక్కి దానిని ఆఫ్ చేసుకోవచ్చు.
2వ పద్ధతి : Settings ఓపెన్ చేసి History and Privacy > Manage All Historyని ఎంచుకుని, మీ యూట్యూబ్ అకౌంట్ను సెలెక్ట్ చేసుకోవాలి. తరువాత యూట్యూబ్ హిస్టరీ పేజ్లోకి వెళ్లి, Controls ట్యాబ్ ప్రెస్ చేస్తే అక్క‌డ Turn Off అని ఉంటుంది. దాన్ని నొక్కితే Pause అనే ఆప్షన్ కనిపిస్తుంది. దాన్ని సెలెక్ట్ చేసుకుంటే సరిపోతుంది. ఇకపై మీ సబ్స్క్రిప్షన్ కనిపిస్తుంది కానీ, సెర్చ్ యాక్టివిటీస్ మాత్రం రికార్డ్ కాకుండా ఉంటాయి.
4. వీడియో స్టాట్స్
మీరు చూస్తున్న వీడియోకు సంబంధించి ఎంత డేటా ఖ‌ర్చ‌వుతుంది? ఏ మొబైల్లో ఆ వీడియో చూస్తున్నారు? వీడియో ID, వీడియో అండ్ ఆడియో ఫార్మాట్, వాల్యూమ్ స్థాయి, బ్యాండ్‌విడ్త్ త‌దిత‌ర స‌మాచారాలను యూట్యూబ్లో చూసుకోవచ్చు. ఈ ఫీచర్ ఎనేబుల్ చేసుకోవాలంటే, You అనే tabపై ప్రెస్ చేసి Generalని ఎంచుకోవాలి. అందులో Enable stats for nerds అని ఉంటుంది. దాన్ని ఆన్ చేసుకోవాలి. త‌ర్వాత ఏదైనా వీడియో చూస్తున్నప్పుడు పైన కుడివైపున ఉన్న 3 చుక్క‌ల్ని ప్రెస్ చేసి, Additional settings> stats for nerdsని ఎంచుకుంటే, ఆ వీడియోకు సంబంధించిన స‌మాచారం అంతా కనిపిస్తుంది. దాన్ని తీసేయాలంటే, ఆ స‌మాచారం ప‌క్క‌న 'X' అనే సింబ‌ల్పై ప్రెస్ చేస్తే సరిపోతుంది.
5. యూట్యూబ్ లూప్ ఫీచర్
సాధారణంగా మీరు ఎడ్యుకేషనల్ ట్యుటోరియల్స్ను చూస్తున్నప్పుడు ఏదైనా స‌మాచారం కోసం దాన్ని మ‌ళ్లీ మ‌ళ్లీ చూడాల్సి వస్తుంది. దీని కోసం యూట్యూబ్ లూప్ ఫీచర్ను ఉపయోగించవచ్చు. ఇది ఎడ్యుకేషనల్ వీడియోలకే కాకుండా, మీకు ఇష్టమైన మ్యూజిక్ వీడియోలను లేదా మీకు నచ్చిన కంటెంట్‌ను రిపీట్ చేసుకోవడానికి ఉపయోగించుకోవచ్చు.
ఇందుకోసం మీకు నచ్చిన వీడియోను ఓపెన్ చేయండి. త‌ర్వాత చాప్ట‌ర్స్ లిస్టు ఓపెన్ చేయండి. మీరు సాధారణ పోర్ట్రెయిట్ మోడ్లో ఉన్నట్లయితే, వీడియో కింద డిస్క్రిప్ష‌న్ బాక్స్ ఆన్ చేస్తే కింద వీడియోల లిస్టు వస్తుంది. అదే మీరు ఫుల్ స్క్రీన్ లో ఉంటే, స్క్రీన్‌పై నొక్కి మీకు కావాల్సిన చాప్ట‌ర్ ఎంచుకోండి. త‌ర్వాత క్రిందికి స్క్రోల్ చేసి, మీరు లూప్ చేయాలనుకుంటున్న చాప్టర్‌పై నొక్కండి. త‌ర్వాత లూప్ బటన్‌ను నొక్కి వీడియో టైమ్‌లైన్‌ని చూసినప్పుడు, ఆ ప‌ర్టిక్యుల‌ర్ చాప్ట‌ర్ మాత్ర‌మే హైలెట్ అవుతుంది. ఈ విధంగా మీకు నచ్చిన ఛాప్టర్ను సులువుగా రిపీట్ చేసుకొని చూడవచ్చు. దీన్ని ఆఫ్ చేయాలంటే, చాప్ట‌ర్ లిస్టు ఓపెన్ చేసి మ‌ళ్లీ లూప్ బ‌ట‌న్పై నొక్కితే స‌రి.
గూగుల్ మ్యాప్స్లోనూ లైవ్ లొకేషన్ షేరింగ్- ఎలాగో తెలుసా?
రెడ్మీ నుంచి మరో కొత్త స్మార్ట్ఫోన్- ఐఫోన్ కంటే సూపర్ కెమెరా!- ధర ఎంతంటే?
