భారతదేశ సార్వభౌమాధికారం, సమగ్రత, భద్రతలకు హాని కలిగిస్తోందనే ఆరోపణలతో కేంద్ర ప్రభుత్వం చేత వేటుకు గురైన ప్రముఖ షార్ట్ వీడియో మేకింగ్ ఫ్లాట్ఫాం టిక్టాక్ తిరిగి భారత్లోకి రీఎంట్రీ ఇచ్చేందుకు సిద్ధమవుతున్నట్లు తెలుస్తోంది. ఇప్పటికే టిక్టాక్ లేని లోటును పూరించడానికి ప్రముఖ సామాజిక మాధ్యమాలైన యూట్యూబ్, ఇన్స్టాగ్రామ్లు వేర్వేరు పేర్లతో నెటిజన్ల ముందుకు వచ్చాయి. కానీ అవి అంతగా ప్రభావం చూపలోకపోయాయి. దీంతో ట్రెండ్ సెట్టర్గా నిలిచిన టిక్టాక్ తన స్థానాన్ని పదిలం చేసుకునేందుకు తిరిగి భారత మార్కెట్లోకి అడుగుపెట్టనుందని తెలుస్తోంది.
టెక్నాలజీకి సంబంధించిన కొన్ని వార్తా సంస్థల కథనాల ప్రకారం.. టిక్టాక్ మాతృసంస్థ అయిన బైట్డ్యాన్స్ ఆ అప్లికేషన్ పేరులోని కొన్ని అక్షరాలు మార్చి అంటే.. ఈ TikTok కాస్తా TickTock పేరుతో అదే కంటెంట్తో తిరిగి భారతీయ మార్కెట్లోకి తీసుకువచ్చేందుకు సన్నాహాలు చేస్తోంది. సాధ్యమైనంత త్వరగా అనుమతులు పొందేలా ప్రయత్నిస్తోందట. ఇందుకు సంబంధించిన అనుమతుల కోసం కంట్రోలర్ జనరల్ ఆఫ్ పేటెంట్స్, డిజైన్, ట్రేడ్మార్క్స్ (సీజీపీడీటీఎం)కు దరఖాస్తు చేసిందట.
