భారత్​లో ఎంతమందికి స్మార్ట్​ఫోన్​ ఉందో తెలుసా?

కరోనా నేపథ్యంలో ప్రపంచమంతా ఇళ్లకే పరిమితమైన పరిస్థితి. ఎంటర్​టైన్​మెంట్​తో పాటు.. హోం డెలివరీలకూ మొబైల్​పైనే ఆధారపడుతున్న నేటి రోజుల్లో స్మార్ట్​ఫోన్ వినియోగం అమాంతం పెరిగిపోయింది. క్రియాశీల వినియోగదారుల జాబితాలో చైనా ప్రపంచంలోనే తొలి స్థానంలో ఉంది. మరి భారత్​ స్థానమెంత? దేశంలో ఎంత మంది స్మార్ట్​ఫోన్లను వినియోగిస్తున్నారు?

ప్రపంచంలో స్మార్ట్​ఫోన్ వాడకం అంతకంతకూ పెరిగిపోతోంది. ఆయా దేశాల్లో స్మార్ట్​ఫోన్​ వినియోగదారుల గణాంకాలను 'న్యూజూ' అనే సంస్థ విడుదల చేసింది. దీని ప్రకారం.. భారత్ రెండో స్థానంలో నిలించింది. తొలి ఎనిమిదిస్థానాల్లో ఉన్న దేశాల జాబితా మీరూ తెలుసుకోండి మరి..

91.2 కోట్ల మంది స్మార్ట్​ఫోన్ వినియోగదారులతో చైనా తొలిస్థానంలో ఉంది.

భారత్​లో 43.9 కోట్ల మంది వినియోగదారులున్నారు.

అమెరికాలో 27 కోట్ల మంది స్మార్ట్​ఫోన్​ వినియోగదారులు ఉన్నారు.

16 కోట్ల మందితో ఇండోనేసియా నాలుగో స్థానంలో నిలిచింది.

బ్రెజిల్​లో 10.9 కోట్ల మంది స్మార్ట్​ఫోన్ యూజర్లు ఉన్నారు.

రష్యాలో 10 కోట్ల మంది స్మార్ట్​ఫోన్​ను కలిగి ఉన్నారు.

జపాన్​లో 7.6 కోట్ల మంది స్మార్ట్​ఫోన్ వాడుతున్నారు.

7 కోట్ల మంది వినియోగదారులతో మెక్సికో ఎనిమిదో స్థానం సంపాదించింది.

కనీసం నెలకు ఒకసారి మొబైల్ ఫోన్​ను ఉపయోగించే వ్యక్తిని క్రియాశీల వినియోగదారుగా పరిగణించింది ఈ అధ్యయనాన్ని చేపట్టినట్లు 'న్యూజూ' తెలిపింది.

ఇవీ చదవండి: