How To Track Lost Phone : ఇకపై మీ మొబైల్ ఫోన్ కనిపించలేదని కంగారుపడాల్సిన అవసరం లేదు.. పోయిందని బాధ పడాల్సిన పని లేదు.. మీ ఫోన్ ఎక్కడ ఉన్నా క్షణాల్లో అదెక్కడ ఉందో ఇట్టే కనిపెట్టేయొచ్చు. దీని కోసం కేంద్రం ఒక ప్రత్యేకమైన పోర్టల్‌ను రూపొందించింది. దేశవ్యాప్తంగా ఈ పోర్టల్ సేవలను మే 17 నుంచి అందుబాటులోకి తీసుకురానున్నది. ఈ 'సంచార్ సాథీ' అనే వెబ్ పోర్టల్‌ను సెంటర్ ఫర్ డిపార్ట్‌మెంట్ ఆఫ్ టెలిమాటిక్స్ - CDOT రూపొందించింది. ముంబయి, దిల్లీ, కర్ణాటక,ఈశాన్య రాష్ట్రాలలో సహా కొన్ని టెలికాం సర్కిల్‌లలో ఇప్పటికే CEIR సిస్టమ్‌ను CDOT అమలు చేస్తోంది. ఈ క్రమంలోనే ఇప్పుడు ఈ వ్యవస్థను దేశవ్యాప్తంగా విస్తరించేందుకు సిద్ధమైంది.
Sanchar Saathi Portal : కాగా, ఇప్పటివరకు ఈ పోర్టల్ సాయంతో 4 లక్షల 70 వేల మిస్సింగ్ మొబైల్స్ను బ్లాక్ చేశారు. 2 లక్షల 40 వేల ఫోన్లను ట్రాక్ చేశారు. 8 వేల మొబైళ్లను రికవరీ చేశారు. ఈ నెల 17 నుంచి దేశం అంతటా వీటి సేవలు అమలు చేస్తామని అంతే కాకుండా దీని ద్వారా ప్రజలు పోగొట్టుకున్న తమ మొబైల్ ఫోన్లను బ్లాక్ చేసేందుకు, అలాగే ట్రాక్ చేసేందుకు ఉపయోగపడుతుందని అధికారులు తెలిపారు.
Find Lost Phone Apps : అయితే ఇందుకోసం ఫోన్ పోగొట్టుకున్న వినియోగదారుడు ముందుగా... సంచార్ సాథీ వైబ్‌ సైట్‌లోకి లాగ్ ఇన్ అయ్యి సంబంధిచ అప్లికేషన్‌ను నింపాలి. అందులో ఫోన్ నంబరు, IMEI నంబరు, ఫోన్ వివరాలు, ఫోన్ పోగొట్టుకున్న ప్రాంతం ఇలా మొదలైన సమాచారాన్ని ఇవ్వాల్సి ఉంటుంది. ఆ తర్వాత తమ టెలికాం సర్వీస్ ప్రొవైడర్ నంబర్ కోసం నకిలీ SIM కార్డ్‌ను తీసుకోవాలి. ఇక ఆప్లికేషన్‌ సమర్పించిన తర్వాత, వినియోగదారుడికి ఒక IDని ఇస్తారు. ఇది తమ అభ్యర్థన స్థితిని తెలుసుకోవడానికి, భవిష్యత్తులో IMEIని అన్‌బ్లాక్ చేయడానికి ఉపయోగపడుతుంది.
మరోవైపు ఈ పోర్టల్‌లో అన్ని టెలికాం నెట్‌వర్క్‌ల్లోని ఫోన్లకు సంబంధించిన సమాచారాన్ని నిక్షిప్తం చేసి ఉంచారు. దీని వల్ల వాటి వినియోగంపై నిఘా పెట్టవచ్చు. భారత్‌లో మొబైల్ ఫోన్లను విక్రయించే ముందు వాటి IMEI- 15 అంకెల నంబర్ను బహిర్గతం చేయడాన్ని ప్రభుత్వం తప్పనిసరి చేసింది. దీని ద్వారా ఆమోదించిన IMEI నంబర్‌లకు అన్ని మొబైల్ నెట్‌వర్క్‌లకు సమాచారాన్ని పొందే అవకాశం ఉంటుంది. ఇవి తమ నెట్‌వర్క్‌లో ఏదైనా అనధికార మొబైల్ ఫోన్‌ల ప్రవేశాన్ని గుర్తిస్తాయి. టెలికాం ఆపరేటర్లు, ఈ CEIR సిస్టమ్ IMEI నంబర్, దానికి లింక్ చేసిన మొబైల్ నంబర్‌లో యాక్సెస్‌ కలిగి ఉంటుంది. ఈ CEIR సిస్టమ్ ద్వారా మీరు పోగొట్టుకున్న లేదా దొంగతనానికి గురైన మొబైల్‌లను ట్రాక్ చేయవచ్చు.
