ప్రముఖ ఎలక్ట్రానిక్ ఉత్పత్తుల సంస్థ శాంసంగ్ భారత మార్కెట్లో మరో బడ్జెట్ స్మార్ట్ఫోన్ను విడుదల చేసింది. గెలాక్సీ ఎఫ్22(Samsung Galaxy F22) పేరుతో మంగళవారం విడుదలైన ఈ ఫోన్ ధరను (4జీబీ ర్యామ్/64 జీబీ స్టోరేజ్) రూ.12,499గా నిర్ణయించింది. 6జీబీ ర్యామ్/128 జీబీ స్టోరేజ్ వేరియంట్ ధరను రూ.14,499గా ప్రకటించింది. బ్లాక్, బ్లూ రంగుల్లో ఈ మోడల్ లభించనుంది.
జులై 13 మధ్యాహ్నం 12 గంటలకు ఫ్లిప్కార్ట్ ద్వారా ఈ ఫోన్ కొనుగోళ్లకు అందుబాటులోకి రానుంది. ప్రారంభ ఆఫర్ కింద ప్రీపెయిడ్ లావాదేవీలకు రూ.1000 డిస్కౌంట్ ప్రకటించింది శాంసంగ్.
ఫీచర్లు (Samsung Galaxy F22 specs)
- 6.40 అంగుళాల డిస్ప్లే
- మీడియా టెక్ హీలియో జీ80 ప్రాసెసస్
- వెనుకవైపు నాలుగు కెమెరాలు (48ఎంపీ+8ఎంపీ+2ఎంపీ+2ఎంపీ)
- 13 మెగా పిక్సెల్ సెల్ఫీ కెమెరా
- ఆండ్రాయిడ్ 11 ఓఎస్
- 6,000 ఎంఏహెచ్ బ్యాటరీ
- 25 వాట్స్ ఫాస్ట్ ఛార్జింగ్ సపోర్ట్
