శాంసంగ్ ప్రియులకు గుడ్ న్యూస్! గెలాక్సీ సిరీస్లో మరో మోడల్ను వినియోగదారులకు అందుబాటులోకి తీసుకొచ్చేందుకు శాంసంగ్ ప్రణాళికలు రచిస్తున్నట్టు తెలుస్తోంది. ఈ స్మార్ట్ఫోన్లో 5జీ సాంకేతికత ఉంటుందని సమాచారం. ఈ శాంసంగ్ గెలాక్సీ ఏ22 5జీ(Samsung Galaxy A22 5G).. భారత మార్కెట్లో ఆగస్టులో విడుదలయ్యే అవకాశమున్నట్టు టెక్ వర్గాల సమాచారం.
ఈ క్రమంలో విడుదల తేదీ కన్నా ముందే ఈ ఫోన్ ధర, ఫీచర్లు లీక్ అయ్యాయి. గెలాక్సీ ఏ22 5జీ మోడల్ ధర రూ. 19,999గా ఉంటుందని టెక్ వర్గాలు పేర్కొన్నాయి. ఈ ఫోన్లో రెండు వేరియంట్లను వచ్చే నెలలో అందుబాటులోకి తీసుకురానుంది శాంసంగ్. 6జీబీ ర్యామ్, 128జీబీ స్టోరేజ్ కలిగిన ఫోన్ను రూ.19,999లకు.. 8జీబీ+128జీబీ స్టోరేజ్ కలిగిన వేరియంట్ను రూ.21,999లకు అందుబాటులోకి తెచ్చే అవకాశముంది.
ఫీచర్లు(Samsung Galaxy A22 5G feaures)..
- ఆండ్రాయిడ్ 11
- టెక్నాలజీ 5జీ
- 6.6 అంగుళాల ఎఫ్హెచ్డీ టీఎఫ్టీ 90 హెచ్జెడ్ డిస్ప్లే
- 6 జీబీ ర్యామ్, 128 జీబీ స్టోరేజ్
- 1టీబీ ఎక్స్టెండబుల్ మెమోరీ కార్డ్ ఫెసిలిటీ
- 5,000 ఎమ్ఏహెచ్ బ్యాటరీ(15డబ్ల్యూ)
- మీడియా టెక్ డైమన్సిటీ చిప్సెట్700
- మూడు బ్యాక్ కెమెరాలు.. ప్రైమరీ 48ఎంపీ సెన్సార్, 5ఎంపీ ఆల్ట్రావైడ్ సెన్సార్, 2ఎంపీ డెప్త్ సెన్సార్. 8ఎంపీ సెల్ఫీ కెమెరా
- సైడ్ మౌంటెడ్ ఫింగర్ప్రింట్ సెన్సార్
- శాంసంగర్ కోర్ 3.1 ప్రాసెసర్
అయితే శాంసంగ్ గెలాక్సీ ఏ22 5జీ ఫోన్ ధర, ఫీచర్ల గురించి సంస్థ నుంచి ఇంకా ఎలాంటి అధికారిక ప్రకటన రాలేదు. మరి ఈ స్మార్ట్ఫోన్ పూర్తి వివరాలు తెలుసుకోవాలంటే సంస్థ ప్రకటన కోసం వేచిచూడాల్సిందే.
ఇదీ చూడండి.. భారత విపణిలోకి షియోమీ ఎంఐ 11 లైట్!
