భూమికి మరో ముప్పు పొంచి ఉన్నట్లు తెలుస్తోంది. శక్తిమంతమైన సోలార్ తుపాను భూమి దిశగా పయనిస్తోంది. దీని వల్ల జీపీఎస్, సెల్ఫోన్ సిగ్నళ్లపై ప్రభావం పడే అవకాశం ఉంది.
స్పేస్వెదర్ డాట్ కామ్ అనే వెబ్సైట్ ప్రకారం.. సూర్యుడి వాతావరణంలో ఆవిర్భవించిన ఈ తుపాను వల్ల భూమిపై ప్రభావం పడనుంది. గంటకు 1.6 మిలియన్ కిలోమీటర్ల వేగంతో ఇది భూమివైపు దూసుకొస్తోంది. సోమవారం లోపు ఈ తుపాను భూమిని తాకొచ్చని అంచనా.
అవి పేలిపోయే ప్రమాదం!
ఈ సౌర తుపాను కారణంగా సమాచార వ్యవస్థపై ప్రభావం పడుతుందని స్పేస్వెదర్ వెబ్సైట్ పేర్కొంది. భూఉష్ణోగ్రత పెరుగుతుందని, తద్వారా శాటిలైట్లు ప్రత్యక్ష ప్రభావానికి లోనవుతాయని తెలిపింది. ఫలితంగా జీపీఎస్ నేవిగేషన్, శాటిలైట్ టీవీలు, మొబైల్ సిగ్నళ్లకు అంతరాయం కలుగుతుందని వెల్లడించింది. విద్యుత్ సరఫరా చేసే ట్రాన్స్ఫార్మర్లు పేలిపోయే ప్రమాదం ఉందని హెచ్చరించింది.
మరోవైపు, సోలార్ తుపాను కారణంగా ధ్రువప్రాంతాల్లో ఉండేవారికి అద్భుతమైన ఖగోళ దృశ్యాలు కనిపిస్తాయని స్పేస్వెదర్ తెలిపింది. రాత్రి సమయంలో ప్రకాశవంతమైన కాంతి కనువిందు చేస్తుందని పేర్కొంది.
ఇదీ చదవండి: 108 ఏళ్లలో ఎన్నడూ లేనంత భారీ కార్చిచ్చు
